༄༅༎གཞིས་རྩེ་གྲོང་ཁྱེར་གྱི་རྩལ་ནུས་གསོ་སྦྱོང་གིས་ལས་ཞུགས་ལ་སྐུལ་འདེད་བཏང་ཡོད།

     མི་དམངས་དྲ་བའི་འཕྲིན། ཉེ་བའི་ལོ་ཤས་རིང་། གཞིས་རྩེ་གྲོང་ཁྱེར་གྱིས“ལས་ཞུགས་ཕྱོགས་སྟོན་དུ་འཛིན་པ་དང་། ཞབས་ཞུ་དམིགས་ཡུལ་བྱེད་པའི”ལས་རིགས་རྩལ་ནུས་སློབ་གསོའི་འདུ་ཤེས་མཐའ་འཁྱོངས་བྱེད་པ་དང་། གོམ་གང་མདུན་སྤོས་ཀྱིས་ལས་རིགས་སློབ་གླིང་གི་སློབ་གཉེར་ཆ་རྐྱེན་ལེགས་སུ་གཏོང་བ། རོང་འབྲོག་མང་ཚོགས་ཀྱི་ལས་རིགས་རྩལ་ནུས་གསོ་སྦྱོང་ལ་ཤུགས་སྣོན་རྒྱག་པ་བཅས་བྱས་ནས། ཞིང་འབྲོག་ཁུལ་མང་ཚོགས་ཀྱི་ལས་གཏོད་ལས་ཞུགས་ལས་དོན་ལ་སྐུལ་འདེད་ཤུགས་ཆེན་བཏང་ཞིང་། གྲོང་ཁྱེར་ཡོངས་ཀྱི་དབུལ་སྒྲོལ་འགག་སྒྲོལ་ལས་དོན་ལ་རྨང་གཞི་བརྟན་པོ་བཏིང་ཡོད་པ་རེད།