༄༅༎བོད་ལྗོངས་སུ་བསྐྱོད་ནས་མཛེས་ལྗོངས་ལ་ལྟ་བ།

     མི་དམངས་དྲ་བའི་འཕྲིན། དབྱར་ཁའི་གུང་གསེང་འཆར་ཉེ་ཡོད་པ་དང་བསྟུན་ནས། བོད་ལྗོངས་ཀྱི་ཡུལ་སྐོར་ཁྲོམ་ར་རིམ་བཞིན་འཁྲུག་ཆ་དོད་པོར་གྱུར་ཡོད། རྒྱལ་ཁབ་ཕྱི་ནང་གི་ཡུལ་སྐོར་བ་མངོན་གསལ་གྱིས་མང་དུ་ཕྱིན་ནས་ཡུལ་སྐོར་ཁྲོམ་ར་ཚོང་ཁ་རྒྱུག་པའི་དུས་སྐབས་སུ་སླེབས་ཡོད། ཡུལ་སྐོར་བའི་ཡིད་དབང་འགུག་ཆེད། བོད་ལྗོངས་ཀྱི་ཡུལ་སྐོར་ལས་དོན་ཁང་ཆེ་གྲས་ཁག་གིས་ཁྱད་ཆོས་ལྡན་པའི་ཡུལ་སྐོར་ལམ་ཐིག་མང་པོ་བཏོད་ཡོད་དེ། ཡུལ་སྐོར་བ་དག་གིས་རང་བྱུང་གི་མཛེས་པ་བག་ཕེབས་པར་ལོངས་སྤྱོད་བྱེད་ཆོག་པ་མ་ཟད། ད་དུང་ས་གནས་དེ་གའི་ཡུལ་མིའི་སྡོད་ཁང་དུ་བསྐྱོད་དེ་ཁྱད་ལྡན་བོད་ཟས་ལའང་མྱོང་རོལ་བྱེད་ཆོག