༄༅།།མཚོ་བོད་ས་མཐོའི་སྣོད་བཅུད་ཁོར་ཡུག་ལ་སྲུང་སྐྱོང་ཡག་པོ་བྱས་ཏེ་གནམ་གཤིས་འགྱུར་ལྡོག་ལ་ཁ་
གཏད་ནུས་ལྡན་གཅོག་དགོས།

     མི་དམངས་དྲ་བའི་འཕྲིན། ཟླ་3ཚེས་9ཉིན། ཨུ་ཡོན་ཅང་ཙུའོ་ཅུན་གྱིས་ཀྲི་ཀུང་ཏང་ཀྲུང་དབྱང་གི་ཚབ་ཞུས་ཏེ་རྒྱལ་ཡོངས་སྲིད་གྲོས་སྐབས་བཅུ་གསུམ་པའི་ཚོགས་འདུ་ཐེངས་གཉིས་པའི་ཚང་འཛོམས་གྲོས་ཚོགས་ཐེངས་གཉིས་པའི་ཐོག་ཚོགས་ཆེན་ལ་གཏམ་བཤད་སྤེལ་སྐབས། མཚོ་བོད་ས་མཐོ་ནི“འཛམ་གླིང་གི་ཡང་རྩེ”དང་“ཡ་གླིང་གི་ཆུ་མཛོད”ཡིན་པ་དང་། རང་རྒྱལ་གྱི་གལ་ཆེའི་སྣོད་བཅུད་བདེ་འཇགས་སྲུང་ཡོལ་ཞིག་ཡིན་ལ། ཀྲུང་ཧྭ་མི་རིགས་ཀྱི་ཁྱད་ཆོས་ལྡན་པའི་རིག་གནས་ཀྱི་སྲུང་སྐྱོང་ཁུལ་གཙོ་བོའང་ཡིན་པ་རེད། མཚོ་བོད་ས་མཐོའི་སྣོད་བཅུད་ཁོར་ཡུག་སྲུང་སྐྱོང་ཡག་པོ་བྱས་ཏེ།  གནམ་གཤིས་འགྱུར་ལྡོག་ལ་ཁ་གཏད་ནུས་ལྡན་གཅོག་དགོས།
      ཅང་ཙུའོ་ཅུན་གྱིས། མཚོ་བོད་ས་མཐོའི་རིགས་ཁག་གི་ཁོར་ཡུག་དང་སྣོད་བཅུད་འཛུགས་སྐྲུན་གྱི་ལས་གྲྭ་ལག་བསྟར་གྱི་འཕེལ་རིམ་བདེ་བླག་བྱུང་ཡོད་ལ་།  རྨང་གཞིའི་ཚན་རིག་ཞིབ་འཇུག་དང་།  ཁོར་ཡུག་སྲུང་སྐྱོང་ལས་གྲྭ  ཁོར་ཡུག་སྲུང་སྐྱོང་འདུ་ཤེས་ཀྱི་སློབ་གསོ་བཅས་ཀྱི་ཐད་གོང་འཕེལ་ངེས་ཅན་བྱུང་ནས་ཁོར་ཡུག་གི་སྤུས་ཚད་རིམ་བཞིན་ལེགས་བཅོས་འགྲོ་བཞིན་ཡོད་པ་མངོན་ཡོད་པ་རེད་།  ཡིན་ན་ཡང་མཚོ་བོད་ས་མཐོའི་གནམ་གཤིས་འགྱུར་ལྡོག་ཀྱི་དོན་དངོས་དང་དེའི་ཤུགས་རྐྱེན་གྱི་ནུས་པར་ཞིབ་འཇུག་བྱེད་ཚད་མི་འདང་བ་དང་།  གནོད་འཚེའི་ཉེན་ཁར་ཚོད་དཔག་གི་ཚན་རིག་གི་སྔོན་དཔག་བྱེད་ཚད་མི་འདང་བ་སོགས་ཀྱི་གནད་དོན་གནས་ཡོད་ཅེས་གསུངས་པ་རེད།
     ཅང་ཙུའོ་ཅུན་གྱིས།  སྣོད་བཅུད་བདེ་འཇགས་ཀྱི་ཚན་རིག་ཞིབ་འཇུག་ལ་ཤུགས་སྣོན་རྒྱབ་ནས།  གནམ་གཤིས་འགྱུར་ལྡོག་ལ་ཁ་གཏད་ནུས་ལྡན་གཅོག་དགོས་པ་དང་། ཕྱོགས་བསྡུས་ལྟ་ཞིབ་མ་ལག་དང་ནུས་པ་འཛུགས་སྐྱོང་ལ་ཤུགས་སྣོན་རྒྱག་དགོས་པ།  གནོད་འཚེའི་ཉེན་ཁར་ཚོད་སྐོར་དང་སྔོན་དཔག་བྱ་རྒྱུར་ཤུགས་སྣོན་རྒྱབ་ནས།  གནོད་འཚེ་འགོག་ཟོན་གྱི་ནུས་པ་ཇེ་མཐོར་གཏོང་དགོས་པ།  སྣོད་བཅུད་བདེ་འཇགས་སྲུང་ཡོལ་གྱི་མ་ལག་ལེགས་བཅོས་ཀྱི་འཛུགས་སྐྲུན་ལ་རྒྱབ་སྐྱོར་བྱེད་ཤུགས་ཆེ་རུ་གཏོང་དགོས་པའི་བསམ་འཆར་བཏོན་པ་རེད།