མི་དམངས་དྲ་བ།

༄༅།།སི་ཁྲོན་ཞིང་ཆེན་རྔ་པ་ཀྲོའུ་རུ་Aརིམ་པའི་མཛེས་ལྗོངས་ཁུལ་ཚང་མར་ཁྱབ་པ།

གསར་འགྱུར་སྤེལ་དུས། 　【2018ལོའི་ཟླ་ 11ཚེས་07ཉིན། 10:38】（རྩོམ་སྒྲིག་འགན་འཁུར་པ། མཁའ་འགྲོ།）

འདི་ག་ཚགས་པར་ཁང་དུ་གནས་ཚུལ་འབྱོར་གསལ། སི་ཁྲོན་གསར་འགྱུར་དྲ་བའི་ཐོག་གནས་ཚུལ་སྤེལ་བ་གཞིར་བཟུང་། རྔ་པ་ཀྲོའུ་ཡུལ་སྐོར་ཚད་གཞི་ཞིབ་དཔྱད་གཏན་འཁེལ་ཨུ་ཡོན་ལྷན་ཁང་ནས་ཤེས་རྟོགས་བྱས་པ་ལྟར་ན། རྔ་པ་ཀྲོའུ་འཛམ་ཐང་རྫོང་བུག་རྗེ་དགོན་རིག་གནས་ཡུལ་སྐོར་མཛེས་ལྗོངས་ཁུལ་ལ་བདེ་བླག་ངང་ཞིབ་དཔྱད་ཐོབ་ནས་རྒྱལ་ཁབ་ཀྱི་A3རིམ་པའི་མཛེས་ལྗོངས་ཁུལ་དུ་གྱུར་ཞིང་། དུས་དེ་ནས་བཟུང་རྔ་པ་ཀྲོའུ་ཡི་རྫོང་དང་གྲོང་ཁྱེར་13ཚང་མར་Aརིམ་པའི་མཛེས་ལྗོངས་ཁུལ་ཁྱབ་ཡོད་པ་རེད།
2018ལོའི་ཟླ་10པའི་ཟླ་མཇུག་བར། རྔ་པ་ཀྲོའུ་ལ་Aརིམ་པའི་ཡུལ་སྐོར་མཛེས་ལྗོངས་ཁུལ་ཁྱོན་23ཡོད་པའི་ནང་A5རིམ་པའི་ཡུལ་སྐོར་མཛེས་ལྗོངས་ཁུལ་3དང་། A4རིམ་པའི་ཡུལ་སྐོར་མཛེས་ལྗོངས་ཁུལ་15 A3རིམ་པའི་མཛེས་ལྗོངས་ཁུལ་5བཅས་ཡོད་པ་རེད།