༄༅།།རང་རྒྱལ་གྱི་བསྐྱར་སྐྱེས་ནུས་རྒྱུ་འཕེལ་རྒྱས་མུ་མཐུད་མྱུར་ཚད་མཐོ་བ་དང་འབྲིང་བའི་རྣམ་པ་རྒྱུན་འཁྱོངས་ཐུབ་རྒྱུ་ཡིན་པ།

         མི་དམངས་ཉིན་རེའི་ཚགས་པར་ཁང་དུ་སུའུ་ཀྲོའུ་ནས་ཟླ་10ཚེས་19ཉིན་གློག་འཕྲིན་འབྱོར་གསལ། ཉེ་ཆར། ཆུ་གློག་ཆུ་བེད་འཆར་འགོད་ཇུས་འགོད་སྤྱི་ཁྱབ་ཁང་གིས་2018ལོའི་རྒྱལ་སྤྱིའི་ནུས་རྒྱུ་གསར་བསྒྱུར་གླེང་སྟེགས་ཐོག་ཡོངས་བསྒྲགས་བྱས་པའི《2017ལོའི་ཀྲུང་གོའི་བསྐྱར་སྐྱེས་ནུས་རྒྱུ་འཕེལ་རྒྱས་སྐོར་གྱི་སྙན་ཞུ》ལས་མངོན་པར། 2010ལོ་ནས་2017ལོ་བར་རང་རྒྱལ་གྱི་བསྐྱར་སྐྱེས་ནུས་རྒྱུས་ཐེངས་གཅིག་རང་བཞིན་གྱི་ནུས་རྒྱུའི་འགྲོ་གྲོན་ཁྲོད་བཟུང་བའི་བསྡུར་ཚད་7%ནས་11.7%བར་འཕར་བ་དེ་2017ལོར་འཛམ་གླིང་གི་བསྐྱར་སྐྱེས་ནུས་རྒྱུས་ཐེངས་གཅིག་རང་བཞིན་གྱི་ནུས་རྒྱུའི་འགྲོ་གྲོན་ཁྲོད་བཟུང་བའི་བསྡུར་ཚད་10.4%ལས་མཐོ་བ་ཡོད་པ་རེད།