འཚོལ་བཤེར།   
藏文频道
2018ལོའི་ཟླ་9ཚེས་25ཉིན།

༄༅།།སྡེ་དགེའི་དངོས་མིན་རིག་གནས་ཤུལ་བཞག་ཞིང་ལས་འགྲེམས་ཚོགས་སྟེང་འགྲེམས་སྟོན་བྱས་པ།

གསར་འགྱུར་སྤེལ་དུས།  【2018ལོའི་ཟླ་ 09ཚེས་25ཉིན། 13:47】   (རྩོམ་སྒྲིག་འགན་འཁུར་པ། མཁའ་འགྲོ།)

 
༄༅།།སྡེ་དགེའི་དངོས་མིན་རིག་གནས་ཤུལ་བཞག་ཞིང་ལས་འགྲེམས་ཚོགས་སྟེང་འགྲེམས་སྟོན་བྱས་པ།
     མི་དམངས་དྲ་བའི་འཕྲིན། ཟླ་9ཚེས་23ཉིན། སི་ཁྲོན་ཞིང་ཆེན་ཞིང་ལས་འགྲེམས་ཚོགས་སྟེང་གི"དྭངས་གཙང་གི་དཀར་མཛེས"ཞེས་པའི་འགྲེམས་སྟོན་ཁང་དུ་གྲངས་ཀྱིས་མི་ལངས་པའི་མི་ཚོགས་འདུས་ཡོད། དེའི་ནང་ཞིང་ལས་ཐོན་རྫས་རིགས་སྣ་ཚོགས་ཕུད། རྒྱལ་ཁབ་རིམ་པའི་དངོས་མིན་རིག་གནས་ཤུལ་བཞག་རྒྱུན་འཛིན་པའི་ངོ་མཚར་འགྲེམས་སྟོན་གྱིས་མི་མང་པོ་ལྟད་མོར་བཀུག་ཡོད།
     ཤེས་རྟོགས་བྱུང་བར་གཞིགས་ན། སྡེ་དགེ་རྫོང་ནི་ཐེངས་འདིའི་ཞིང་ལས་འགྲེམས་ཚོགས་ཀྱི་བརྗོད་བྱ་གཙོ་བོའི་རྫོང་ཡིན་པའི་ཆ་ནས།  "དྭངས་གཙང་གི་དཀར་མཛེས་དང་དགེ་བའི་ཞིང་ཁམས་སྡེ་དགེ"ཞེས་པ་བརྗོད་གཞིར་བཟུང་ནས། རྫོང་འདིའི་ཞིང་ལས་ཡུལ་སྐོར་ཁེ་ལས་8དང་དེ་བཞིན་དུ་སྡེ་དགེ་རྫོང་མཁར་སུམ་མདོ་ཤང་འབར་ཁ་གྲོང་ཚོའི་ཞིང་ལས་ཐོན་རྫས་ལས་སྣོན་མཉམ་ལས་ཁང་སོགས་ཆེད་ལས་མཉམ་ལས་ཁང་9འགྲེམས་སྟོན་ལ་ཞུགས་ཡོད་ཅིང་། ཁྱད་ཆོས་ལྡན་པའི་དྲིལ་སྒྲོག་བྱེད་སྒོ་སྤེལ་བ་ལས་གཞན། ད་དུང་ཞིང་ལས་ཐོན་རྫས་འགྲེམས་ཚོང་དང་། དངོས་མིན་རིག་གནས་ཤུལ་བཞག་འགྲེམས་སྟོན་སོགས་རྣམ་པ་འདྲ་མིན་སྣ་ཚོགས་བརྒྱུད་ནས་ཡུལ་དེ་གའི་དབུལ་སྐྱོར་ཐོན་ལས་འཕེལ་རྒྱས་ཀྱི་འབྲས་བུ་དང་སྡེ་དགེའི་རིག་གནས་ཁྱད་ཆོས་འགྲེམས་སྟོན་བྱས་ཡོད། 
    ཤེས་རྟོགས་བྱུང་བར་གཞིགས་ན། ཐེངས་འདིའི་ཞིང་ལས་འགྲེམས་ཚོགས་སུ་དཀར་མཛེས་ཁུལ་གྱི་རྫོང་ཁག་18ཀྱི་ཁེ་ལས་82ཞུགས་ཡོད་ལ། དེའི་ཁྲོད་དུ་སྡེ་དགེ་རྫོང་གིས་ད་དུང་རྣམ་གྲངས་གཙོ་བོའི་མཚམས་སྦྱོར་བྱེད་སྒོ་སྤེལ་ནས། ཚོང་འགུགས་མ་འདྲེན་རྣམ་གྲངས་12བཏོན་པ་མ་ཟད་ཡུལ་དངོས་ནས་མིང་རྟགས་འགོད་པའི་བྱེད་སྒོ་སྤེལ་ཡོད།
༄༅།།སྡེ་དགེའི་དངོས་མིན་རིག་གནས་ཤུལ་བཞག་ཞིང་ལས་འགྲེམས་ཚོགས་སྟེང་འགྲེམས་སྟོན་བྱས་པ།