༄༅།།འཇར་པན་གྱི་དབུ་བཞུགས་བློན་ཆེན་ཨན་པེ་ཅིན་སན་གྱིས་རང་དབང་དམངས་གཙོ་ཏང་གི་གཙོ་འཛིན་གྱི་འགན་མུ་མཐུད་དུ་འཁུར་རྒྱུ་ཡིན།
གསར་འགྱུར་སྤེལ་དུས། 【2018ལོའི་ཟླ་ 09ཚེས་21ཉིན། 10:59】 (རྩོམ་སྒྲིག་འགན་འཁུར་པ། བསྟན་འཛིན།)
མི་དམངས་དྲ་བའི་འཕྲིན། ཟླ་9ཚེས་20ཉིན། འཇར་པན་ཏུང་ཅིན་དུ་འཇར་པན་གྱི་དབུ་བཞུགས་བློན་ཆེན་ཨན་པེ་ཅིན་སན་གྱིས་རང་དབང་དམངས་གཙོ་ཏང་གི་གཙོ་འཛིན་གྱི་འགན་འཁྲི་མུ་མཐུད་དུ་འཁུར་རྒྱུར་བདམས་ཐོན་བྱུང་རྗེས་གཏམ་བཤད་སྤེལ་ཡོད་ཅིང་། ཉིན་དེར་འཇར་པན་གྱི་རང་དབང་དམངས་གཙོ་ཏང་གི་གཙོ་འཛིན་འདེམས་ཤོག་འཕངས་པར། འཇར་པན་གྱི་དབུ་བཞུགས་བློན་ཆེན་ཨན་པེ་ཅིན་སན་ལ་ཁྱོན་བསྡོམས་འདེམས་ཤོག་807ནང་ནས་ནུས་ལྡན་འདེམས་ཤོག་553ཐོབ་ནས། ཧྲི་ཕའོ་མའོ་ལས་རྣམ་པར་རྒྱལ་ཏེ་རང་དབང་དམངས་གཙོ་ཏང་གི་གཙོ་འཛིན་གྱི་འགན་མུ་མཐུད་དུ་འཁུར་རྒྱུ་བྱུང་བ་རེད།