༄༅།།བོད་རིགས་མང་ཚོགས་ཀྱིས་རྟ་བཞོན་ནས་ཇོ་བོ་སྐྱོགས་ཆེན་གདོང་རར་མཆོད་དེ་
རྒྱལ་འབངས་བདེ་བའི་སྨོན་ལམ་འདེབས།

       མི་དམངས་དྲ་བའི་འཕྲིན། མཚོ་སྔོན་ཞིང་ཆེན་ཡུལ་ཤུལ་བོད་རིགས་རང་སྐྱོང་ཁུལ་ཁྲི་འདུ་རྫོང་གི་བོད་རིགས་མང་ཚོགས་ཀྱིས་རྟ་བཞོན་ནས་ཇོ་བོ་སྐྱོགས་ཆེན་གདོང་རར་མཆོད་དེ་རྒྱལ་ཁབ་མངའ་ཐང་རྒྱས་ཤིང་མི་དམངས་བདེ་བར་སྡོད་པའི་སྨོན་ལམ་བཏབ་ཡོད། ཇོ་བོ་སྐྱོགས་ཆེན་གདོང་ར་ནི་ཡུལ་ཤུལ་ཁུལ་ཁྲི་འདུ་རྫོང་དང་ཆུ་དམར་ལེབ་རྫོང་གཉིས་ཀྱི་འབྲེལ་མཚམས་སུ་གནས་ཤིང་། བོད་ལྗོངས་ཀྱི་གངས་རིན་པོ་ཆེ་དང་། ཡུན་ནན་གྱི་ཁ་བ་དཀར་པོ། དེ་བཞིན་མཚོ་སྔོན་མགོ་ལོག་གི་རྨ་རྒྱལ་སྦོམ་ར་བཅས་བཞི་ལ་བོད་བརྒྱུད་ནང་བསྟན་གྱི་གནས་རི་ཆེན་པོ་བཞི་ཞེས་བརྗོད་ཀྱི་ཡོད།