༄༅།།གཞིས་རྩེ་གྲོང་ཁྱེར་ཁུལ་གྱི་ལམ་དུམ་ཁག་གཅིག་ལ་འགྲིམ་འགྲུལ་བཀག་སྡོམ་བྱས་འདུག

        མི་དམངས་དྲ་བའི་འཕྲིན། ཟླ་8ཚེས་5ཉིན། གསར་འགོད་པས་བོད་རང་སྐྱོང་ལྗོངས་སྤྱི་བདེ་ཐིང་སྤྱི་བདེ་འགྲིམ་འགྲུལ་དོ་དམ་ཅུས་ནས་ཤེས་རྟོགས་བྱུང་བར་གཞིགས་ན། ཟླ་8ཚེས་4ཉིན་གྱི་ཆུ་ཚོད་18དང་སྐར་མ་30ཙམ་ལ་དྲག་ཆར་བབས་པའི་གནམ་གཤིས་ཀྱི་རྐྱེན་པས་། གཞིས་རྩེ་གྲོང་ཁྱེར་གྱི་ཉེན་རྟོག་པས་རྒྱལ་ལམ་318ལམ་རྒྱུད་ཀྱི་4792KMནས་4795KMབར（རིན་སྤུངས་རྫོང་ཁོངས）གྱི་ལམ་དུམ་བུར་འགྲིམ་འགྲུལ་བཀག་སྡོམ་བྱས་ཡོད་པ་དང་། ས་གནས་དེ་གའི་གཞུང་ལམ་བདག་སྐྱོང་སྡེ་ཚན་དང་རིན་སྤུངས་རྫོང་འགྲིམ་འགྲུལ་ཉེན་རྟོག་རུ་ཆེན་གྱིས་ཉིན་མཚན་དབྱེར་མེད་ངང་གཞུང་ལམ་མྱུར་བཟོའི་ལས་ཀ་བྱས་པ་བརྒྱུད། ལམ་དུམ་བུ་དེ་2018ལོའི་ཟླ་8ཚེས་5ཉིན་གྱི་ཞོགས་པའི་ཆུ་ཚོད་6པར་ལམ་ཐིག་ཧྲིལ་པོ་ཤར་གཏོང་ཐུབ་ནས། འགྲིམ་འགྲུལ་བཀག་སྡོམ་མེད་པ་བཟོས་པ་དང་། རྒྱ་ཆེའི་རྒྱལ་ལམ་318རིན་སྤུངས་རྫོང་ཁོངས་སུ་སྐྱོད་མཁན་ཁ་ལོ་བ་ཚོས་ཡིད་གཟབ་ངང་རླངས་འཁོར་བཏང་ནས་བདེ་འཇགས་ལ་དོགས་ཟོན་བྱེད་དགོས།
       གཞན་ཡང་། ཆར་པ་བསྟུད་མར་བབས་པའི་རྐྱེན་གྱིས་རྒྱལ་ལམ་349ལམ་རྒྱུད་490KM+850M（གཞིས་རྩེ་གྲོང་ཁྱེར་གྱི་གདོང་དཀར་ཤང་གི་ཁོངས་སུ་གནས་པའི་གདོང་དཀར་ཟམ་པ་ཨང་3པ） ཕྱོགས་གཉིས་ནས་འགྲིམ་འགྲུལ་བཀག་སྡོམ་ལག་བསྟར་བྱས་ཡོད། ལྷ་སླེའུ་གཞུང་ལམ་ཡར་ཀླུང་གཙང་པོའི་ལམ་རྒྱུད（ལྷ་རྩེ་རྫོང་ནས་བཞད་མཐོང་སྨོན་རྫོང་། ལྷ་རྩེ་རྫོང་ནས་བཀྲིས་འཛོམས་ཤང་དང་། ཕུན་ཚོགས་གླིང་ཤང་། བཀྲ་ཤིས་སྒང་ཤང་། སླེའུ་ཤང་བཅས）ཀྱི་ལམ་དུམ་བུར་ཕྱོགས་གཉིས་ནས་འགྲིམ་འགྲུལ་བཀག་སྡོམ་བྱས་ཡོད་པ་རེད།