༄༅།།བོད་ཀྱི་སློབ་མ་བསྟན་འཛིན་ཆོས་དབྱིངས་ཀྱིས་སྒོར་ཁྲི་700རྙེད་པས་བརླག་མཁན་ལ་
སྤྲད་པ།
གསར་འགྱུར་སྤེལ་དུས། 【2018ལོའི་ཟླ་ 07ཚེས་13ཉིན། 13:24】 (རྩོམ་སྒྲིག་འགན་འཁུར་པ། མཁའ་འགྲོ།)
མི་དམངས་དྲ་བའི་འཕྲིན། ཉེ་སྔོན། ཁྲུང་ཆིང་བོད་ལྗོངས་སློབ་འབྲིང་གི་2018ལོའི་འཛིན་གྲྭ་3པའི་སློབ་མ་བསྟན་འཛིན་ཆོས་དབྱིངས་ཀྱིས་ལྷ་ས་གྲོང་ཁྱེར་གྱི་པོ་ཏ་ལའི་ཐང་ཆེན་གྱི་ཉེ་འགྲམ་ནས་ཁུག་མ་ཞིག་རྙེད་པ་དང་། དེའི་ནང་དུ་གཟི་དང་བྱུ་རུ། སྤོས་ཤེལ། གནའ་རྫས་དང་དངུལ་དམར་སོགས་རིན་གོང་སྒོར་ཁྲི700ཡས་མས་བླུགས་ཡོད་པ་རེད། བསྟན་འཛིན་ཆོས་དབྱིངས་ཀྱིས་འཕྲལ་ཏུ་དམངས་བདེ་ཉེན་རྟོག་ཞབས་ཞུའི་ས་ཚིགས་དང་འབྲེལ་བ་བྱས་པ་དང་། འབྲེལ་ཡོད་ཀྱི་ཆ་འཕྲིན་འཚོལ་ཞིབ་བྱས་རྗེས་ཅ་ལག་དེའི་བདག་པོ་རྙེད་པས། དམངས་བདེ་ཉེན་རྟོག་ཞབས་ཞུའི་ས་ཚིགས་ཀྱི་ཉེན་རྟོག་པའི་བདེན་དཔང་འོག་ཅ་ལག་བརླག་མཁན་ལ་སྤྲད་ཡོད་པ་རེད།