༄༅།།ཀྲུང་གོའི་མཚོ་དམག་ཞི་བདེའི་སྨན་ཁང་གྲུ་གཟིངས་ལོ་4སོང་རྗེས་སླར་ཡང་ཕ་ཕུ་ཡ་ཀུའེ་ནེ་ཡར་འབྱོར་བ།

         མི་དམངས་དྲ་བའི་འཕྲིན། ས་གནས་དེ་གའི་དུས་ཚོད་ཟླ་7ཚེས་11ཉིན་གྱི་ཆུ་ཚོད་10པ་ཙམ་དུ། “ཞི་མཐུན་འགན་འཁྲི—2018”ཞེས་པའི་ལས་འགན་སྒྲུབ་མཁན་ཀྲུང་གོའི་མཚོ་དམག་ཞི་བདེའི་སྨན་ཁང་གྲུ་གཟིངས་དལ་བུར་ཕ་ཕུ་ཡ་ཀུའེ་ནེ་ཡའི་རྒྱལ་ས་མོར་སི་པི་གྲུ་ཁར་འབྱོར་ནས་ཕ་ཕུ་ཡ་ཀུའེ་ནེ་ཡར་དུས་ཡུན་ཉིན་8ཀྱི་མཛའ་གྲོགས་འཚམས་འདྲི་བྱེད་འགོ་ཚུགས་པ་དང་འབྲེལ་མི་ཆོས་རིང་ལུགས་ཀྱི་སྨན་བཅོས་ཞབས་ཞུ་བྱེད་འགོ་ཚུགས་ཡོད། དེ་ནི་ཞི་བདེའི་གྲུ་གཟིངས་ལོ་བཞི་སོང་རྗེས་སླར་ཡང་ཕ་ཕུ་ཡ་ཀུའེ་ནེ་ཡར་འཚམས་འདྲིར་བསྐྱོད་པ་ཞིག་ཡིན།