༄༅།།ཀོང་ཤིས་ཀྱིས་ཉེས་གསོག་དོགས་ཅན་མི་8ཀྱིས་དུག་རྫས་སྤྱི་རྒྱ་བརྒྱ་ལྷག་ཙམ་བཟོས་པ་དང་
དབོར་འདྲེན་བྱས་པ་ཁྲིམས་ལ་གཏུགས་པ།

        མི་དམངས་དྲ་བའི་འཕྲིན། ཟླ་7ཚེས་5ཉིན། ཀོང་ཤིས་ཀྲོང་རིགས་རང་སྐྱོང་ལྗོངས་ཧེ་ཀྲོའུ་གྲོང་ཁྱེར་སྤྱི་བདེ་ཅུས་ཀྱིས་སྨྱན་སྦྱོར་ལ་བརྡ་ཁྱབ་བཏང་གསལ། ཉེས་གསོག་དོགས་ཅན་མི་8ཀྱིས་དུག་རྫས་ཁིལ་ཨན་ཐུང་( 氯胺酮 )སྤྱི་རྒྱ་བརྒྱ་ལྷག་ཙམ་བཟོས་པ་དང་དབོར་འདྲེན་བྱས་པའི་གྱོད་གཞི་ཆེན་པོ་ཞིག་ཉིན་ཤས་གོང་སྤྱི་བདེ་ལས་ཁུངས་ཀྱིས་ཁྲིམས་ལ་གཏུག་ཡོད་པ་དང་། གྱོད་གཞི་དེའི་ནང་ཉེན་རྟོག་ཕྱོགས་ཀྱིས་དུས་མཚུངས་སུ་མེད་པར་བཟོས་པའི་དུག་རྫས་བྲིན་འཚོང་བྱེད་ས་གཅིག་དང་དུག་རྫས་བཟོ་བའི་རྒྱུ་ཆ། ཡོ་བྱད་ཁ་ཤས་བཅས་ཡོད་པ་རེད།