༄༅།།རང་རྒྱལ་གྱི་དྲ་བའི་མྱུར་ཚད་གོ་ལ་ཧྲིལ་པོའི་བང་རིམ་དང་པོར་སླེབས་པ།

     མི་དམངས་དྲ་བའི་འཕྲིན། དྲ་ཆེན་འཕེལ་རྒྱས་མནའ་འབྲེལ་གྱིས་གསར་དུ་ཁྱབ་བསྒྲགས་བྱས་པའི《ཀྲུང་གོའི་དྲ་ཆེན་མྱུར་ཚད་གནས་ཚུལ་སྙན་ཞུ》ལས་མངོན་པར། 2018ལོའི་དུས་ཚིགས་དང་པོར་རང་རྒྱལ་གྱི་གཏན་འཇགས་དྲ་ཆེན་བརྒྱུད་ཆ་སྙོམས་ཕབ་ལེན་བྱེད་པའི་མྱུར་ཚད་20Mཡི་འགག་སྒོ་ཆེན་པོ་ལས་སྒྲོལ་བ་དང་20.15Mb∕sཟིན་པ་དེ་དུས་མཚུངས་ལས་54.9%འཕར་བ་དང་སྒུལ་བདེའི་དྲ་ཆེན་སྤྱོད་མཁན་གྱིས་4Gདྲ་བ་བརྒྱུད་དྲ་ཞུགས་བྱེད་སྐབས་ཆ་སྙོམས་ཕབ་ལེན་བྱེད་པའི་མྱུར་ཚད་19.12Mb∕sཟིན་པ་དེ་དུས་མཚུངས་ལས་54.3%འཕར་ནས་རང་རྒྱལ་གྱི་དྲ་བའི་མྱུར་ཚད་གོ་ལ་ཧྲིལ་པོའི་བང་རིམ་དང་པོར་སླེབས་ཡོད་པ་རེད།