༄༅།།མཚོ་སྔོན་འབའ་རྫོང་གི་ས་མཐོའི་བྱེས་རྒྱུག་འགྲན་སློང་འགྲན་བསྡུར་འགོ་ཚུགས་པ། 

      མི་དམངས་དྲ་བའི་འཕྲིན། 2018ལོའི་མཚོ་སྔོན་འབའ་རྫོང་གི་ས་མཐོའི་བྱེས་རྒྱུག་འགྲན་སློང་འགྲན་བསྡུར་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཀྲོའུ་འབའ་རྫོང་འབའ་ལུང་ཤང་རབ་མགོ་གྲོང་ཚོར་གཉེར་བ་དང་། ཉིན་དེར་བྱེས་རྒྱུག་སྤྱི་ལེ་50དང་སྤྱི་ལེ་35དང་མང་ཚོགས་ཀྱི་ལུས་སྦྱོང་རྒྱུག་ཤར་སྤྱི་ལེ་8བཅས་རྣམ་གྲངས་གསུམ་གྱི་འགྲན་བསྡུར་བྱས་པ་དང་། ཡུན་ནན་གྱི་བདམས་ཐོན་པ་ཧྲེན་ཅ་ཧྲེང་གིས་སྤྱི་ལེ་50ཡི་བྱེས་རྒྱུག་འགྲན་བསྡུར་ནང་ཆུ་ཚོད་3དང་སྐར་མ་55དང་སྐར་ཆ་20ཡི་གྲུབ་འབྲས་ཐོག་ནས་ཨང་དང་པོ་བླངས་པ་དང་ཀན་སུའུ་ཡི་བདམས་ཐོན་པ་ཀའོ་ཡུང་ཉིང་དང་མཚོ་སྔོན་གྱི་བདམས་ཐོན་པ་དབྱང་ཁྲེང་ཞང་ལ་ཨང་གཉིས་པ་དང་གསུམ་པ་སོ་སོར་རག་ཡོད།