༄༅།།མངོན་མིན་རིག་གནས་ཤུལ་བཞག་གར་ལ་གསོན་ཤུགས་གསར་པ་སྦྱིན།

      མི་དམངས་དྲ་བའི་འཕྲིན། ཟླ་6ཚེས་8ཉིན། བོད་ལྗོངས་སུ་འཚོགས་པའི་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གར་གྱི་རྒྱལ་ཁབ་རིམ་པའི་ཁྲིད་སྦྱོང་རྟེན་གཞིའི་སྒོ་བྱང་འགེལ་བའི་མཛད་སྒོའི་ཐོག་ཏུ་དགེ་ཕྲུག་གསར་པ་4བསྡུས་ཡོད་ཅིང་། གནའ་བོའི་སྒྱུ་རྩལ་གར་གྱི་རྒྱུན་འཛིན་དང་འཕེལ་རྒྱས་ལ་གསོན་ཤུགས་གསར་པ་སྦྱིན་ཡོད།  དགེ་སློབ་མི་དྲུག་གིས་སློབ་བསྡུའི་མཛད་སྒོའི་ཐོག་དྲན་རྟེན་པར་བླངས་པ་དང་། གཡས་ནས་གཡོན་བར་ནི་ཐུབ་བསྟན་འཇིགས་མེད། དཔལ་ལྡན་དབང་ཕྱུག རྒན་ཕུན་ཚོགས་གཡུ་རྒྱལ་ལགས། རྒན་བཀྲ་ཤིས་ཚེ་རིང་ལགས། བློ་བཟང་རིག་འཛིན། མིག་དམར་བཅས་ཡིན། དགུང་ལོ་95ལ་ཕེབས་པའི་རྒན་ཕུན་ཚོགས་གཡུ་རྒྱལ་དང་དགུང་ལོ་80ལ་ཕེབས་པའི་རྒན་བཀྲ་ཤིས་ཚེ་རིང་ལགས་ནི་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གར་གྱི་རྒྱལ་ཁབ་རིམ་པའི་དཔེ་མཚོན་རྒྱུན་འཛིན་པ་གཉིས་པོ་དེ་རང་ཡིན།