༄༅།།རང་རྒྱལ་གྱི་གནམ་ཐང་གྲུ་གཟིངས་ཨང་གཉིས་པ་ཐོག་མར་རྒྱ་མཚོར་འགྲོ་བའི་ཚོད་ལྟ་བྱས།

     མི་དམངས་དྲ་བའི་འཕྲིན། ཟླ་5ཚེས་13ཉིན། རང་རྒྱལ་གྱི་གནམ་ཐང་གྲུ་གཟིངས་ཨང་གཉིས་པ་ཏ་ལེན་གྲུ་གཟིངས་བཟོ་གྲྭའི་གྲུ་ཁ་ནས་བསྐྱོད་འགོ་ཚུགས་ཡོད། འབྲེལ་ཡོད་མཚོ་ཁོངས་ཀྱི་མཚོ་ཐོག་ཏུ་ཚོད་ལྟའི་ལས་འགན་ལག་བསྟར་བྱེད་པར་བསྐྱོད་པ་དང་། གཙོ་བོ་སྒུལ་ཤུགས་མ་ལག་སོགས་སྒྲིག་ཆས་ཀྱི་བློས་འགེལ་རང་བཞིན་དང་བརྟན་པོའི་རང་བཞིན་ལ་ཞིབ་དཔྱད་ར་སྤྲོད་བྱས་ཡོད་པ་རེད།
      ཤེས་རྟོགས་བྱུང་བར་གཞིགས་ན། ན་ནིང་ཟླ་4ཚེས་26ཉིན་ཆུ་ལ་བསྐྱོད་ནས་བཟུང་། གནམ་ཐང་གྲུ་གཟིངས་ཨང་གཉིས་པ་བཟོ་བའི་ལས་དོན་འཆར་གཞི་ལྟར་གོམ་སྟབས་བརྟན་པོའི་ངང་སྐུལ་འདེད་བཏང་ནས། མ་ལག་སྒྲིག་ཆས་སྙོམས་སྒྲིག་ཚོད་ལྟ་དང་། གྲུ་ཆས་བཟོ་སྐྲུན་དང་འབྲེལ་ཡོད་གྲུ་ཚུགས་ཚོད་ལྟ་ལེགས་གྲུབ་བྱུང་ཡོད། མཚོ་ཐོག་ཏུ་ཚོད་ལྟར་སྐྱོད་པའི་ལག་རྩལ་གྱི་ཆ་རྐྱེན་འཛོམས་ཡོད་པ་རེད།