༄༅།།ལོ་ལྟར་བེད་སྤྱོད་མེད་པའི་རླངས་འཁོར་ཁྲི་སྟོང་མང་པོ་གང་དུ་ཕྱིན་ཡོད་དམ།

     མི་དམངས་དྲ་བའི་འཕྲིན། སྤྱི་བདེ་པུའུ་ཡི་གྲངས་གཞི་གསར་ཤོས་ལས་མངོན་པར་གཞིགས་ན། 2017ལོའི་ལོ་མཇུག་བར་དུ། རང་རྒྱལ་གྱི་རླངས་འཁོར་བདག་བཟུང་བྱེད་ཚད་དུང་ཕྱུར་2.17ཟིན་ཡོད། དེ་དང་དུས་མཚུངས་སུ་རླངས་འཁོར་བེད་མེད་དུ་བཏང་བའི་གྲངས་འབོར་ཡང་རྒྱུན་ཆད་མེད་པར་ཇེ་མཐོར་འགྲོ་བ་དང་། ཚོང་རའི་བརྟག་དཔྱད་ལས་ཁུངས་ཀྱིས་ཚད་ལེན་ཞིབ་རྩིས་ལྟར་སྔོན་དཔག་བྱས་ན་2018ལོར་རང་རྒྱལ་གྱི་བེད་མེད་ཀྱི་རླངས་འཁོར་ཁྲི་907ཟིན་རྒྱུ་ཡིན་པས། དེ་འདྲའི་མང་བའི་བེད་མེད་རླངས་འཁོར་ཚང་མ་གང་དུ་ཕྱིན་ཡོད་དམ།
     “ཤིན་ཧྭའི་ལྟ་ཕྱོགས”ཀྱི་གསར་འགོད་པས་བརྟག་དཔྱད་བྱས་པ་བརྒྱུད། ཚད་ལྡན་གྱི་ཁེ་ལས་ནང་བེད་མེད་ཀྱི་རླངས་འཁོར་བསྡུ་ཚད་30%ཡང་ཟིན་གྱི་མེད། བེད་མེད་ཀྱི་རླངས་འཁོར་ཁ་ཤས་ལས་གཉེར་གྱི་ཐོབ་ཐང་ལྡན་མེད་པའི་ལྐོག་ཁྲོམ་བརྒྱུད་ནས་སླར་བཟོ་བྱས་ཏེ་ཡང་བསྐྱར་བེད་སྤྱོད་བྱེད་པས་བདེ་འཇགས་ཀྱི་མངོན་མེད་རྐྱེན་ངན་བཞག་ཡོད་པ་རེད།