འཚོལ་བཤེར།   
藏文频道
2018ལོའི་ཟླ་4ཚེས་24ཉིན།
  • མི་དམངས་དྲ་བ།

    ༄༅།།ཉེ་བའི་ལོ་37རིང་བོད་ཀྱི་དྲོད་ཚད་འཕར་ཚད་གོ་ལ་ཧྲིལ་པོ་ལས་མཐོ་བ་ཡོད་པ།

    གསར་འགྱུར་སྤེལ་དུས།  【2018ལོའི་ཟླ་ 04ཚེས་24ཉིན། 14:03】   (རྩོམ་སྒྲིག་འགན་འཁུར་པ། མཁའ་འགྲོ།)

     
         མི་དམངས་དྲ་བའི་འཕྲིན། ཉེ་ཆར། བོད་རང་སྐྱོང་ལྗོངས་གནམ་གཤིས་ལྟེ་གནས་ཀྱིས་ཡོངས་བསྒྲགས་བྱས་པའི《2017ལོའི་བོད་ཀྱི་གནམ་གཤིས་སྤྱི་བསྒྲགས》ནང་། 1981ལོ་ནས་2017ལོ་བར། བོད་ཀྱི་ལོ་རེའི་ཆ་སྙོམས་དྲོད་ཚད་མངོན་གསལ་དོད་པོས་འཕར་བའི་རྣམ་པ་མངོན་ཞིང་། ཆ་སྙོམས་ལོ་10རེར་དྲོད་ཚད་0.42℃འཕར་ནས་གོ་ལ་ཧྲིལ་པོ་དང་ཀྲུང་གོའི་ས་ཁུལ་གཞན་དག་ལས་འཕར་ཚད་མངོན་གསལ་དོད་པོས་མཐོ་བ་ཡོད། དེ་དང་ཆབས་ཅིག ཉེ་བའི་ལོ་37རིང་། བོད་ཀྱི་ལོ་རེའི་ཆ་སྙོམས་ཆར་ཆུ་འབབ་ཚད་ཀྱང་མང་དུ་འགྲོ་ཚུལ་མངོན་ཏེ་ལོ་10རེར་ཧའོ་སྨི་11.0རེ་འཕར་བ་འཁོད་ཡོད་པ་རེད།
         བོད་རང་སྐྱོང་ལྗོངས་གནམ་གཤིས་ལྟེ་གནས་ཀྱི་རིགས་གཅིག་མཁས་ཅན་གྱིས་དབྱེ་ཞིབ་བྱས་འབྲས་ལྟར་ན། དྲོད་ཚད་དང་ཆར་ཆུ་འབབ་ཚད་ལ་འགྱུར་ལྡོག་བྱུང་བ་ལས་གོ་ལ་ཧྲིལ་པོའི་གནམ་གཤིས་དྲོ་རུ་ཕྱིན་ནས་བོད་ལ་ཤུགས་རྐྱེན་ཐེབས་པ་ར་འཕྲོད་བྱུང་ཡོད། གོ་ལ་ཧྲིལ་པོའི་གནམ་གཤིས་དྲོ་རུ་ཕྱིན་པ་དེས་བོད་ཀྱི་ས་མཐོའི་གྲང་ངར་ཁུལ་དང་དྲོ་མ་གྲང་ཁུལ་གྱི་ཤར་མཚམས་ནུབ་བསྒྱུར་དང་ལྷོ་མཚམས་བྱང་བསྒྱུར། དྲོད་ཚད་ཁུལ་རྒྱ་ཆེ་རུ་ཕྱིན་ཏེ་སྣོད་བཅུད་མ་ལག་སྤྱིར་ན་ལེགས་སུ་ཕྱིན་ཡོད། 2017ལོར་བོད་ཀྱི་ལོའི་ཆ་སྙོམས་དྲོད་ཚད་5.7℃ཟིན་ནས་1981ལོ་ཚུན་གྱི་གནས་ཚད་མཐོ་ཤོས་ཨང་གསུམ་པར་སླེབས་ཡོད། དུས་བཞིར་དྲོད་ཚད་སྤྱིར་ན་མང་ཆེ་བ་མཐོ་ཙམ་ཡོད་ཅིང་། དགུན་དུས་དྲོད་ཚད(-1.8℃)མངོན་གསལ་དོད་པོས་མཐོ་རུ་ཕྱིན་པ་དང་ས་ཁོངས་རང་བཞིན་གྱི་དགུན་དྲོད་རྒྱས་ཡོད། ལོ་དེའི་ནང་ས་ཁུལ་མང་པོ་ཞིག་གི་དྲོད་ཚད་ལོ་རྒྱུས་ཀྱི་ཚད་གཞི་མཐོ་ཤོས་ལས་བརྒལ་ཡོད་ཅིང་། ནག་ཆུ་དང་། ཆབ་མདོ། འདམ་གཞུང་སོགས་ས་ཚིགས་11གི་ལོའི་ཆ་སྙོམས་དྲོད་ཚད་ལོ་རྒྱུས་ཀྱི་གྲངས་ཚད་མཐོ་ཤོས་སུ་སླེབས་པའམ་ཡང་ན་ལོ་རྒྱུས་ཀྱི་གྲངས་ཚད་མཐོ་ཤོས་དང་མཉམ་ཡོད་པ་རེད།
         བོད་རང་སྐྱོང་ལྗོངས་གནམ་གཤིས་ལྟེ་གནས་ཀྱིས་སྔོན་དཔག་བྱས་པར་གཞིགས་ན། བོད་དུ་ཉེ་དུས(ད་ལྟ་ནས་2050ལོ་བར)དང་ཕྱིས་བྱུང(2051ལོ་ནས་2100ལོ་བར)འཁྱག་རོམ་དང་གངས་གསོག་ཉུང་དུ་འགྲོ་རྒྱུ་དང་གཙང་པོ་དང་རྒྱུག་ཆུའི་བཞུར་རྒྱུན་ཚད་གཞི་མི་འདྲ་བའི་ངང་མང་དུ་འགྲོ་རྒྱུ་རེད། འབྱུང་འགྱུར་བོད་ཀྱི་འཁྱག་སའི་རྒྱ་ཁྱོན་སྔར་བས་ཉུང་དུ་འགྲོ་རྒྱུ་ཡིན་ཞིང་། ཉེ་དུས་39%དང་ཕྱིས་བྱུང་81%ཉུང་དུ་འགྲོ་རྒྱུ་ཡིན་པ་རེད།
      

    ཕྱོགས་བསྡུས་གསར་འགྱུར།