༄༅།།རང་རྒྱལ་གྱིས་རྒྱང་ཚོར་ཨང་སུམ་ཅུ་སོ་གཅིག་པའི་ཚོགས་ཆུང་01གི་སྲུང་སྐར་གྲུབ་འབྲས་
ཐོབ་པའི་ངང་འཕེན་གཏོང་བྱས་པ།

གསར་འགྱུར་སྤེལ་དུས། 　【2018ལོའི་ཟླ་ 04ཚེས་12ཉིན། 10:20】（རྩོམ་སྒྲིག་འགན་འཁུར་པ། མཁའ་འགྲོ།）

མི་དམངས་དྲ་བའི་འཕྲིན། ཟླ་4ཚེས་10ཉིན་གྱི་ཆུ་ཚོད་12དང་སྐར་མ་25ཐོག་རང་རྒྱལ་གྱིས་ཅིའུ་ཆོན་སྲུང་སྐར་འཕེན་གཏོང་ལྟེ་གནས་ནས་རྒྱང་སྐྱོད་ཨང་བཞི་པ་རྟགས་ཅན་གྱི་སྐྱེལ་འདྲེན་མེ་ཤུགས་འཕུར་མདའ་ཁ་པར་བརྟེན་ནས་རྒྱང་ཚོར་ཨང་སུམ་ཅུ་སོ་གཅིག་པའི་ཚོགས་ཆུང་01གི་སྲུང་སྐར་དང་ནཱ་སྨི་ཕྲ་རབ་ལག་རྩལ་གྱི་ཚོད་ལྟའི་སྲུང་སྐར་མཁའ་དབྱིངས་སུ་འཕེན་གཏོང་བྱས་པ་དང་སྔོན་དཔག་གི་འཁོར་ལམ་ཐོག་བསྐྱོད་ཡོད། སྲུང་སྐར་འདི་གཙོ་བོ་གློག་ཁབ་ལེན་གྱི་ཁོར་ཡུག་བརྟག་དཔྱད་ཚད་ལེན་དང་དེ་བཞིན་འབྲེལ་ཡོད་ལག་རྩལ་ཚོད་ལྟའི་ངང་སྤྱོད་རྒྱུ་ཡིན་ཞིང་། ད་ཐེངས་ཀྱི་ལས་འགན་ནི་རྒྱང་སྐྱོད་སྐྱེལ་འདྲེན་མེ་ཤུགས་འཕུར་མདས་འཕུར་སྐྱོད་བྱེད་ཐེངས་271པ་དེ་ཡིན་པ་རེད།

ཕྱོགས་བསྡུས་གསར་འགྱུར།