༄༅།།འཐུས་མི་ཝུང་ཤན་ཝུན་གྱིས་བདེ་སྐྱིད་ནི་འབད་འཐབ་བྱས་པ་ལས་འབྱུང་ཞེས་བརྗོད་པ།

གསར་འགྱུར་སྤེལ་དུས། 　【2018ལོའི་ཟླ་ 03ཚེས་17ཉིན། 09:56】（རྩོམ་སྒྲིག་འགན་འཁུར་པ། སྙིང་ལྕགས།）

མི་དམངས་དྲ་བའི་འཕྲིན། རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མི་ལུང་ཤན་ཝུན་ནི་ཧུའུ་ནན་ཤང་ཤིས་ཀུའུ་ཀྲང་རྫོང་མོ་རུང་གྲོང་རྡལ་ཉིའུ་ཅའོ་ཧྲན་གྲོང་ཚོའི་ཏང་སྤྱི་ཁྱབ་ཀྲི་པུའི་ཧྲུའུ་ཅི་ཡིན་པ་དང་། “ཇ་ལོ”དང“དམངས་སྲོལ”གྱི་མིང་བྱང་གཉིས་ལ་དམིགས་ནས་ཁོང་གིས་གྲོང་མིའི་སྣེ་འཁྲིད་དེ་ཕུ་ཐུང་བརྫེས་ནས་ངར་ཤུགས་སྒྲིམ་སྟེ་ཤང་ཤིས་ཀྱི་རི་ཁུག་ཏུ་གནས་པའི་མེའོ་རིགས་གྲོང་སྡེར་ལོ་10ཡི་གོང་མི་རེའི་ཆ་སྙོམས་ཡོང་འབབ་ཁེ་གཙང་སྒོར་800ཡང་ཟིན་གྱི་མེད་པའི་གྲོང་ཚོ་དབུལ་པོ་དེ་ད་ཆ་ཉེ་རིང་གང་སར་སྐད་གྲགས་ཆོད་པའི་རྒྱལ་ཡོངས་ཀྱི་གྲོང་གསེབ་ཡུལ་སྐོར་དཔེ་སྟོན་གྲོང་ཚོ་དང་འབྱོར་འབྲིང་འཛུགས་སྐྲུན་གྱི་དཔེ་སྟོན་གྲོང་ཚོ་སོགས་ལ་འཛུགས་སྐྲུན་བྱས་ཡོད། “བདེ་སྐྱིད་ནི་འབད་འཐབ་བྱས་པ་ལས་བྱུང་བ་ཞིག་རེད”“དུས་རབས་གསར་པར་སླེབས་པས་ང་ཚོའི་འཚོ་བ་དེ་བས་ལེགས་སུ་འགྲོ་ངེས་རེད”ཅེས་ལུང་ཤན་ཝུན་གྱིས་གསུངས།
ད་ཐེངས་པེ་ཅིང་དུ་རྒྱལ་ཡོངས་མི་དམངས་འཐུས་ཚོགས་སྐབས་བཅུ་གསུམ་པའི་ཚོགས་འདུ་ཐེངས་དང་པོར་ཞུགས་ནས་ལུང་ཤན་ཝུན་གྱིས་གྲོང་གསེབ་དར་རྒྱས་གཏོང་བའི་འཐབ་ཇུས་ལག་བསྟར་བྱ་རྒྱུ་མགྱོགས་མྱུར་དོན་འཁྱོལ་བྱ་རྒྱུའི་སྐོར་གྱི་གྲོས་འགོ་ཞིག་བསྣམས་པ་དང་། ཁོང་གིས་མཛེས་སྡུག་ལྡན་པའི་གྲོང་གསེབ་ཀྱི་བླང་བྱ་གཞིར་བཟུང་གྲོང་གསེབ་ཀྱི་གསང་སྤྱོད་གསར་བརྗེ་གོ་སྐབས་སུ་བྱས་ནས་སྣོད་བཅུད་སྡོད་མལ་ལ་འཚམས་པའི་རྨང་གཞིའི་སྒྲིག་བཀོད་འཛུགས་སྐྲུན་ལ་སྐུལ་འདེད་གཏོང་རྒྱུའི་རེ་བ་བྱེད་ཀྱི་ཡོད་པ་རེད།

༄༅།།འཐུས་མི་ཝུང་ཤན་ཝུན་གྱིས་བདེ་སྐྱིད་ནི་འབད་འཐབ་བྱས་པ་ལས་འབྱུང་ཞེས་བརྗོད་པ།

ཕྱོགས་བསྡུས་གསར་འགྱུར།