༄༅།།ཀྲུང་གོ་རྒྱལ་སྤྱིའི་ཚོང་ཚོགས་ཀྱིས་ཀྲུང་གོ་དང་ཐེ་ལན་གྱི་དཔལ་འབྱོར་ཚོང་དོན་མཉམ་ལས་
ལ་རོགས་རམ་བྱེད་པ། 

     མི་དམངས་དྲ་བའི་འཕྲིན། ཀྲུང་གོ་རྒྱལ་སྤྱིའི་ཚོང་ཚོགས་ཀྱི་ཚོགས་གཙོ་གཞོན་པ་ཁྲེང་ཆིང་ཐའོ་ཡིས་ཉེ་ཆར་པང་ཁོག་ཏུ་རྒྱལ་སྤྱིའི་ཚོང་ཚོགས་ཀྱིས་ཀྲུང་གོའི་ཁེ་ལས་མཁས་ཅན་གྱི་འཐུས་མི་སྒྲིག་འཛུགས་བྱས་ཏེ་ཐེ་ལན་དུ་འཚམས་འདྲི་བྱེད་རིང་སྲིད་གཞུང་གི་སྒྲིག་གཞི་དང་ས་གནས་དེ་གའི་ཁེ་ལས་དང་ཐུག་འཕྲད་བྱས་ཏེ་ཀྲུང་གོ་དང་ཐེ་ལན་གྱི་དཔལ་འབྱོར་ཚོང་དོན་མཉམ་ལས་ལ་རོགས་རམ་བྱ་རྒྱུ་ཡིན་ཞེས་བརྗོད་པ་རེད།
      འདི་ཟླའི་ཚེས་4ནས་10ཉིན་བར་ཀྲུང་གོའི་ཁེ་ལས་མཁས་ཅན་གྱི་འཐུས་མིས་ཁམ་ཕུ་ཁྲེ་དང་ཐེ་ལན་ལ་འཚམས་འདྲི་བྱས་པ་རེད། ཁྲེང་ཆིང་ཐའོ་ཡིས་ཐེ་ལན་གྱི“ཤར་རྒྱུད་དཔལ་འབྱོར་བར་འཁྱམས”འཕེལ་རྒྱས་ཀྱི་འཐབ་ཇུས་ཁྲོད་རིགས་བཞི་ཡི་མཉམ་ལས་ཁྱབ་ཁོངས་15ཡི་མང་ཆེ་བ“རྒྱུད་གཅིག་ལམ་གཅིག”གི་གྲོས་འགོ་དང་མཐུན་པ་དཔེར་ན། རྨང་གཞིའི་སྒྲིག་བཀོད་དང་། ནུས་རྒྱུ་གསར་པ། སྐྱེ་དངོས་གསོ་རིག་སོགས་ལ་ཀྲུང་གོའི་ཁེ་ལས་ལ་ལེགས་ཆ་ངེས་ཅན་ལྡན་པ་མ་ཟད་ཧུར་ཐག་ངང“ཕྱིར་སྐྱོད་བཞིན་པའི”ཁྱབ་ཁོངས་ཡིན་པ་རེད་ཅེས་བརྗོད།