༄༅།།སྤྱི་ཕན་རྒྱན་ཤོག་ལོར་འཚོང་ཚད་སྒོར་དུང་ཕྱུར་2000གི་འགག་སྒོ་ཆེན་པོ་ལས་སྒྲོལ་བ་དང་
སྤྱི་ཕན་མ་དངུལ་སྒོར་དུང་ཕྱུར་620ལྷག་ཙམ་བསྡུ་རུབ་ཐུབ་པ།
གསར་འགྱུར་སྤེལ་དུས། 【2018ལོའི་ཟླ་ 01ཚེས་20ཉིན། 15:54】 (རྩོམ་སྒྲིག་འགན་འཁུར་པ། སྙིང་ལྕགས།)
མི་དམངས་དྲ་བའི་འཕྲིན། ཟླ་1ཚེས་18ཉིན་གསར་འགོད་པར་ཀྲུང་གོ་སྤྱི་ཕན་རྒྱན་ཤོག་འགྲེམས་སྤེལ་དོ་དམ་ལྟེ་གནས་ནས་ཤེས་རྟོགས་བྱུང་བར། 2017ལོའི་ཟླ་12ཚེས་31ཉིན་བར། 2017ལོའི་རྒྱལ་ཡོངས་སྤྱི་ཕན་རྒྱན་ཤོག་འཚོང་འབོར་ལོ་བཞི་བསྟུད་མར་སྒོར་དུང་ཕྱུར་2000གི་འགག་སྒོ་ཆེན་པོ་ལས་བསྒྲལ་ནས་སྒོར་དུང་ཕྱུར་2169.77ཟིན་པ་དང་དུས་མཚུངས་ལས་སྒོར་དུང་ཕྱུར་104.85མང་དུ་ཕྱིན་ནས་5.1%འཕར་བ་དང་། རྒྱལ་ཁབ་ལ་སྤྱི་ཕན་མ་དངུལ་སྒོར་དུང་ཕྱུར་620ལྷག་ཙམ་གྲབས་གསོག་བྱས་པས་དུས་མཚུངས་ལས་སྒོར་དུང་ཕྱུར་30ཙམ་འཕར་ཡོད་པ་རེད།