༄༅།།2018ལོའི་རྒྱལ་སྤྱིའི་ཡུལ་སྐོར་འགྲེམས་སྟོན་མ་ཏེ་རིར་འགོ་ཚུགས་པ།

      མི་དམངས་དྲ་བའི་འཕྲིན། ཟླ་1ཚེས་17ཉིན་2018ལོའི་རྒྱལ་སྤྱིའི་ཡུལ་སྐོར་འགྲེམས་སྟོན་སི་ཕེན་གྱི་རྒྱལ་ས་མ་ཏེ་རིའི་འགྲེམས་སྟོན་ལྟེ་གནས་སུ་འགོ་ཚུགས་པ་རེད།
     དུས་ཡུན་ཉིན་5དང་རྒྱ་ཁྱོན་ལ་སྨི་ངོས་གྲུ་ཁྲི་6.55ཡོད་པའི་འགྲེམས་ཁུལ་གྱིས་འཛམ་གླིང་ཡོངས་ཀྱི་རྒྱལ་ཁབ་དང་ས་ཁུལ་160ཡི་ཁེ་ལས་དང་ཡུལ་སྐོར་སྒྲིག་གཞི་ཁྲི་ལྷག་ཞུགས་རྒྱུའི་ཡིད་དབང་བཀུག་པ་དང་དེའི་ནང་འགྲེམས་ཞུགས་ཚོང་པ་གཙོ་བོ་816ཡོད་པ་རེད། འགྲེམས་སྟོན་རིང་ད་དུང་བརྗོད་དོན་གཙོ་བོའི་གླེང་སྟེགས་དང་། བགྲོ་གླེང་ཚོགས་འདུ། དེ་བཞིན་ཡུལ་སྐོར་སྤེལ་རེས་ཚོགས་འདུ་སོགས་མང་དག་ཅིག་སྤེལ་རྒྱུ་དང་། སྔོན་དཔག་བྱས་ན་ཡུལ་སྐོར་ཚོང་པ་དང་ལྟད་མོ་བ་ཁྲི་24ལྷག་ཙམ་ཟིན་རྒྱུ་ཡིན་པ་རེད།