འཚོལ་བཤེར།   
藏文频道
2018ལོའི་ཟླ་1ཚེས་10ཉིན།
  • མི་དམངས་དྲ་བ།

    ༄༅།།གསུམ་ལྡན་གྲོང་ཚོར་དཔྱིད་གསར་ཆ་ཡིག་བསྐྱལ་བ།

    གསར་འགྱུར་སྤེལ་དུས།  【2018ལོའི་ཟླ་ 01ཚེས་10ཉིན། 12:50】   (རྩོམ་སྒྲིག་འགན་འཁུར་པ། མཁའ་འགྲོ།)

     
         མི་དམངས་དྲ་བའི་འཕྲིན། ཉེ་ཆར། བོད་སྐྱོར་ལས་བྱེད་པ་ཁག་བརྒྱད་པའི་ནང་གི་ཡིག་གཟུགས་ལ་དགའ་མཁན་20ལྷག་ཙམ་དང་བོད་རང་སྐྱོང་ལྗོངས་ཡིག་གཟུགས་མཁས་ཅན་མཐུན་ཚོགས་ཀྱི་ཚོགས་མི་འགས་སྐྱིད་ཆུའི་ངོགས་སུ་ཆགས་པའི་ཆུ་ཤུར་རྫོང་གསུམ་ལྡན་གྲོང་ཚོར་བསྐྱོད་དེ་གྲོང་ཚོ་དེ་གའི་དུད་ཚང་184ཡི་བོད་རིགས་དང་རྒྱ་རིགས་མང་ཚོགས་ལ་དཔྱིད་གསར་གྱི་སྨོན་ཚིག་གི་ཆ་ཡིག་བྲིས་པ་རེད།
         ད་ཕན་ལོ་ཤས་རིང་། བོད་རང་སྐྱོང་ལྗོངས་ཀྱིས་ཡུལ་གཞན་དུ་དབུལ་སྐྱོར་གནས་སྤོ་དང་འབྱོར་འབྲིང་གི་བདེ་སྡོད་ལས་གྲྭ་ལག་བསྟར་ཤུགས་ཆེན་བྱས་པ་དང་། ཡུལ་གཞན་དུ་དབུལ་སྐྱོར་གནས་སྤོ་བྱ་ཡུལ་ཐོག་མ་ཡིན་པའི་གསུམ་ལྡན་གྲོང་ཚོ་2016ལོའི་ཟླ་3པར་སྐྲུན་འགོ་ཚུགས་པ་དང་། 2016ལོའི་ཟླ་7ཚེས་5ཉིན་སྐྲུན་མཇུག་འགྲིལ་ནས་གྲོང་མི་ཚང་མ་དེ་གར་སྤོས།
    “གྲོང་ཚོར་བ་ཕྱུགས་གསོ་ཚགས་མཉམ་ལས་ཁང་དང་། ཁྱིམ་བྱ་གསོ་ཚགས་མཉམ་ལས་ཁང་། ཁྱད་ལྡན་འདེབས་འཛུགས་མཉམ་ལས་ཁང་སོགས་ས་གནས་དེ་གའི་དོན་དངོས་དང་མཐུན་པའི་ཐོན་ལས་འཕེལ་རྒྱས་བཏང་བ་བརྒྱུད། འཚོ་བའི་ཆ་རྐྱེན་ཧ་ཅང་ལེགས་སུ་ཕྱིན་སོང་ལ་མང་ཚོགས་ཕྱུག་འགྱུར་གྱི་ཐབས་ལམ་ཡང་རྒྱུན་ཆད་མེད་པར་རྒྱ་ཆེར་ཕྱིན་སོང”ཞེས་རུ་སྐྱིད་ཀྱིས་བཤད།
         ཁག་བརྒྱད་པའི་བོད་སྐྱོར་ལས་བྱེད་པ་བོད་རང་སྐྱོང་ལྗོངས་ཏང་ཨུད་ཏང་གི་སློབ་གྲྭའི་སློབ་སྤྱི་གཞོན་པ་སུན་ཤང་ཅུན་གྱིས་2018ལོའི་དཔྱིད་གསར་དུས་ཆེན་དང་བོད་ཀྱི་ལོ་གསར་མཉམ་དུ་འཁེལ་བ་དང་། གསུམ་ལྡན་གྲོང་ཚོར་དཔྱིད་གསར་ཆ་ཡིག་བྲིས་ནས་བསྐྱལ་ཏེ་ཡུལ་མི་རྣམས་ལ་དུས་ཆེན་གྱི་སྨོན་འདུན་མཚོན་པར་བྱས་པས་དུས་ཆེན་གྱི་རྣམ་པ་ཟབ་ཏུ་ཕྱིན་ཡོད་ཅེས་བཤད།
    བྱེད་སྒོ་སྤེལ་རིང་། བོད་སྐྱོར་ལས་བྱེད་པ་ཁག་བརྒྱད་པའི་ནང་གི་ཡིག་གཟུགས་ལ་དགའ་ཞེན་ཡོད་མཁན་དང་བོད་ལྗོངས་ཡིག་གཟུགས་མཁས་ཅན་མཐུན་ཚོགས་ཀྱི་ཀྲུའུ་ཞི་གཞོན་པ་མཛུབ་སྨྱོན·ལྷག་པ་ཚེ་རིང་དང་སྤེན་ནོར་སོགས་བོད་ཡིག་ཡིག་གཟུགས་མཁས་ཅན་གྱིས་《བཀྲ་ཤིས་བདེ་ལེགས། བསམ་དོན་ལྷུན་གྲུབ་》དང་《བོད་རྒྱ་ཁྱིམ་ཚང་གཅིག་》སོགས་ཀྱི་ཡིག་གཟུགས་བརྩམས་ཆོས་མཉམ་དུ་བྲིས་ནས་གསུམ་ལྡན་གྲོང་ཚོའི་ཏང་ཀྲི་པུའུ་དང་བྱེད་སྒོར་ཞུགས་མཁན་གྲོང་མིར་སྤྲད་པ་རེད།
      

    ཕྱོགས་བསྡུས་གསར་འགྱུར།