༄༅།།མཚོ་སྔོན་ཞིང་ཆེན་རྫ་སྟོད་རྫོང་ཁོངས་སུ་རི་སྐྱེས་སྲོག་ཆགས་ཝ་པར་དུ་བླངས་པ།
གསར་འགྱུར་སྤེལ་དུས། 【2018ལོའི་ཟླ་ 01ཚེས་09ཉིན། 13:04】 (རྩོམ་སྒྲིག་འགན་འཁུར་པ། བསྟན་འཛིན།)
མི་དམངས་དྲ་བའི་འཕྲིན། ཉེ་ཆར། མཚོ་སྔོན་ཞིང་ཆེན་རྫ་སྟོད་རྫོང་དང་རི་ཆུ་རང་བྱུང་སྲུང་སྐྱོང་ལྟེ་གནས་ཀྱིས་མཉམ་དུ་སྤེལ་བའི་སྐྱེ་དངོས་སྣ་མང་རང་བཞིན་ལ་ལྟ་ཞིབ་ཚད་ལེན་བྱེད་པའི་ཁྲོད་དུ། དམར་ཕྱིའི་པར་ཆས་གྱི་ནང་དུ་ཝ་ཡི་འདྲ་པར་ཁ་ཤས་བླངས་ཡོད་པ་རེད། ས་མཐོའི་ཝ་ནི་རྒྱ་མཚོའི་ངོས་ལས་མཐོ་ཚད་སྨི་གསུམ་སྟོང་ངམ་བཞི་སྟོང་ཡས་མས་ཀྱི་མཐོ་སྒང་ཁུལ་དུ་འཚོ་གནས་བྱེད་ཀྱི་ཡོད་ཅིང་། མཚོ་བོད་མཐོ་སྒང་གི་ཁྱད་ལྡན་སྲོག་ཆགས་རིགས་ཤིག་ཡིན་པ་ཝ་དེས་རྒྱུན་དུ་འཕྱི་བའི་ས་ཕུག"བཙན་བཟུང"བྱས་ཏེ་རང་གི"སྡོད་གནས"བྱེད་ཀྱི་ཡོད་པ་རེད། རི་ཆུ་རང་བྱུང་སྲུང་སྐྱོང་ལྟེ་གནས་ཀྱིས་པར་རིས་མཁོ་འདོན་བྱས་པ།