༄༅།།མཚོ་སྔོན་ཞིང་ཆེན་དུ་རྨང་གཞིའི་དངུལ་རྩ་ཞབས་ཞུ་སྲིད་འཛིན་གྲོང་ཚོ་ཡོངས་སུ་ཁྱབ་པ་
མངོན་འགྱུར་བྱས་པ།

     མི་དམངས་དྲ་བའི་འཕྲིན། ཉེ་བའི་ལོ་ཤས་རིང་མཚོ་སྔོན་ཞིང་ཆེན་གྱིས་ཀུན་ཕན་དངུལ་རྩ་ཕྱོགས་བསྡུས་དཔེ་སྟོན་ཁུལ་ཚོད་ལྟའི་འཛུགས་སྐྲུན་ལ་སྐུལ་འདེད་ཧུར་བརྩོན་བཏང་ནས་རྨང་གཞིའི་དངུལ་རྩ་ཞབས་ཞུ་འཐུས་སྒོ་ཚང་བ་དང་། དངུལ་རྩའི་ཞབས་ཞུའི"མཐའ་མའི་སྤྱི་ལེ་གཅིག"གཤོང་བ་བྱས་པ་རེད། མིག་སྔའི་བར་དུ་མཚོ་སྔོན་གྱིས་ཞིང་ཆེན་ཡོངས་སུ་ཞིང་ཕན་དངུལ་རྩ་ཞབས་ཞུ་བྱེད་གནས་4957བཙུགས་པ་དང་། སྲིད་འཛིན་གྲོང་ཚོ་3062ལ་ཁྱབ་སྟེ་རྨང་གཞིའི་དངུལ་རྩའི་ཞབས་ཞུ་སྲིད་འཛིན་གྲོང་ཚོ་ཡོངས་སུ་ཁྱབ་པ་མངོན་འགྱུར་བྱུང་བས། ཞིང་འབྲོག་མང་ཚོགས་གྲོང་ཚོ་ནས་ཐོན་མི་དགོས་པར་དངུལ་རྩའི་ཞབས་ཞུ་ལོངས་སུ་སྤྱོད་ཐུབ་པར་གྱུར་པ་རེད།