༄༅།།དབུལ་སྒྲོལ་ཕྱུག་འགྱུར་གྱི་བཀྲ་ཤིས་མྱུར་བགྲོད་རླངས་འཁོར།

    མི་དམངས་དྲ་བའི་འཕྲིན། 2016ལོའི་ཟླ་12ཚེས་15ཉིན། བོད་ལྗོངས་ཀྱི་དུད་ཚང་285ཡི་གྲོང་མི་1310ཙམ་དུས་བཞིའི་བཀྲ་ཤིས་གྲོང་ཚོར་གནས་སྤོས་དབུལ་སྐྱོར་བྱས་ནས། འཚོ་བ་གསར་པ་སྐྱེལ་འགོ་ཚུགས་པ་རེད། ལྷ་ས་གྲོང་ཁྱེར་ཆུ་ཤུར་རྫོང་ཚལ་སྣེ་ཤང་གི་གྲོང་ཚོ་ཆུང་ངུ་དེའང་དབུལ་སྒྲོལ་ཕྱུག་འགྱུར་གྱི་གནས་བདག་གཙོ་བོར་གྱུར་པ་རེད། དུས་བཞིའི་བཀྲ་ཤིས་གྲོང་ཚོར་ཁྱོན་བསྡོམས་མ་དངུལ་སྒོར་དུང་ཕྱུར་1.43བཏང་ཡོད་པ་རེད། ད་ལྟའི་བར་དུ། དུས་བཞིའི་བཀྲ་ཤིས་གྲོང་ཚོར་སྔ་གཞུག་ཏུ་གྲོང་མི་ཚོ་རླངས་འཁོར་དང་། ས་རྐོའི་འཕྲུལ་འཁོར་གཏོང་སྟངས་སྦྱོང་བ་དང་། མི་རིགས་ཀྱི་ལག་ཤེས་བཟོ་ལས་སྒྱུ་རྩལ་འཁལ་འཐག་སོགས་སྦྱོང་བའི་སྒྲིག་འཛུགས་བྱེད་ཐེངས་10གྲངས་བྱས་པ་དང་། གསོ་སྦྱོང་མི་ཐེངས་གྲངས་456བྱས་ཡོད་པ་རེད།