༄༅།།ཕིང་ཅུས་ཟློས་གར་《བོད་ཡུལ་གྱི་འཇའ་ཚོན་》པེ་ཅིང་དུ་འཁྲབ་སྟོན་བྱེད་གྲབས་ཡོད་པ།

     མི་དམངས་དྲ་བའི་འཕྲིན། ཟླ་11ཚེས་26ཉིན། པེ་ཅིང་གྲོང་ཁྱེར་རིག་གནས་སྤུས་ལེགས་འདུ་འགོད་ཀྱི་གཙོ་གནད་རྣམ་གྲངས་གསར་རྩོམ་ཕིང་ཅུས་ཟློས་གར་《བོད་ཡུལ་གྱི་འཇའ་ཚོན་》ཞེས་པ་ཀྲུང་གོའི་ཕིང་ཅུང་ཟློས་གར་ཁང་དུ་མཐའ་མའི་ཆས་སྤྲས་ནང་སྦྱོང་བྱས་ཤིང་། འཁྲབ་གཞུང་འདི་ནི་ཟླ་12པའི་ཟླ་འགོར་པེ་ཅིང་དུ་གཟིགས་མོ་བ་རྣམས་ཀྱི་སྤྱན་ལམ་དུ་འབུལ་རྒྱུ་རེད། 《བོད་ཡུལ་གྱི་འཇའ་ཚོན་》ནི་ཀྲུང་གོའི་ཕིང་ཅུང་ཟློས་གར་ཁང་གིས་པེ་ཅིང་ཨན་ཀྲེན་སྨན་ཁང་བྱིས་པའི་སྙིང་ནད་ཚན་ཁག་གི་སྨན་པ་ཀུའུ་ཧོང་གི་བྱས་རྗེས་ལ་གཞིགས་ནས་གསར་རྩོམ་བྱས་པ་ཞིག་རེད།