༄༅།།པཱ་ལི་གླིང་ཕྲན་གྱི་མེ་རི་ཡང་བསྐྱར་འཕྱུར་བ།

      མི་དམངས་དྲ་བའི་འཕྲིན། ཧིན་རྡུ་ཉི་ཞི་ཡ་རྒྱལ་ཁབ་ཀྱི་མེ་རི་དང་ས་གཤིས་ཀྱི་གནོད་འཚེ་ཉུང་གཏོང་ལྟེ་གནས་ཀྱི་སྙན་སྒྲོན་དུ། ཟླ་11ཚེས་25ཉིན་གྱི་ཆུ་ཚོད་17:30སྐབས། པཱ་ལི་གླིང་ཕྲན་གྱི་ཨ་ཀུང་མེ་རི་ཡང་བསྐྱར་འཕྱུར་ནས་མེ་རིའི་ཐལ་རྡུལ་མང་པོ་ལངས་ཡོད་ལ། ཐལ་རྡུལ་ལངས་ཚད་ནི་རྨི་1500ཙམ་ཟིན་ཡོད་པ་རེད། དེ་རྗེས། ཨ་ཀུང་མེ་རི་ནས་མེ་རིའི་ཐལ་རྡུལ་མུ་མཐུད་དུ་འཕྱུར་ནས་ཐལ་རྡུལ་ལངས་ཚད་དེ་སྨི་4000ཙམ་དུ་འཕྱུར་བ་མ་ཟད། དེའི་མཉམ་དུ་འོད་དམར་པོ་ཞིག་ཀྱང་འཕྲོ་བཞིན་ཡོད་ལ། མེ་རི་ནས་འཕྲལ་མར་མེ་ཞུན་འཕྱུར་སྲིད་པའི་སྣང་ཚུལ་བསྟན་ཡོད་པ་རེད།