འཚོལ་བཤེར།   
藏文频道
2017ལོའི་ཟླ་11ཚེས་28ཉིན།
  • མི་དམངས་དྲ་བ།

    ༄༅།།སློབ་ཆེན་སློབ་མས་ཀན་ལྷོར་སློབ་གསོའི་རོགས་སྐྱོར་བྱེད་པ། 

    གསར་འགྱུར་སྤེལ་དུས།  【2017ལོའི་ཟླ་ 11ཚེས་28ཉིན། 09:32】   (རྩོམ་སྒྲིག་འགན་འཁུར་པ། སྙིང་ལྕགས།)

     
    ༄༅།།སློབ་ཆེན་སློབ་མས་ཀན་ལྷོར་སློབ་གསོའི་རོགས་སྐྱོར་བྱེད་པ།
          ཝུའུ་ཐུང་ཡུས་ཀྱིས་བསུན་སྣང་མེད་པར་ཕྲུ་གུ་ཚོར་གཞས་སློབ་པ་དང་ཉིན་ལྟར་ཕྲུ་གུ་ཚོར་བཤད་པའི་སྐད་ཆ་མང་ཤོས་ནི“ངས་རང་གི་གདོང་པ་གཙང་མ་ཕྱི་རོགས་བྱེད་ཆོག”ཅེས་པ་དེ་རེད། བརྩེ་སེམས་འཆང་བ་དང་ངང་རྒྱུད་རིང་པོ་ནི་ངས་ད་རེས་སློབ་སྐྱོར་བྱེད་པར་ཡོང་བའི་གྲུབ་འབྲས་ཆེ་ཤོས་དེ་ཡིན། ཁོ་ཚོར་དགའ་སྤྲོ་ཆེན་པོ་འདི་ལྟ་བུ་བྱུང་བ་མཐོང་སྐབས་ང་སློབ་གྲྭ་ཐོན་རྗེས་དགེ་རྒན་ངོ་མ་ཞིག་ཏུ་འགྱུར་ཐུབ་པ་བྱ་རྒྱུའི་ཆོད་སེམས་ཡོད་ཅེས་ཝུའུ་ཐུང་ཡུས་ཀྱིས་བཤད། 
         ཀན་སུའུ་རུ་ཝུའུ་ཐུང་ཡུས་དང་འདྲ་བའི་སློབ་སྐྱོར་དགེ་རྒན་མང་པོ་ཡོད་པ་དང་ཁོ་ཚོས་ས་ཁུལ་དབུལ་པོ་དང་མི་རིགས་ས་ཁུལ་གྱི་དགེ་རྒན་མི་འདང་བའི་གནད་དོན་སེལ་རོགས་བྱས་པ་རེད། ཀན་སུའུ་ཞིང་ཆེན་སློབ་གསོ་ཐིང་གིས་ངོ་སྤྲོད་བྱས་པར་གཞིགས་ན། 2015ལོ་ནས་བཟུང་ཀན་སུའུ་ཞིང་ཆེན་དུ་ལོ་ལྟར་ནུབ་བྱང་དགེ་འོས་སློབ་གྲྭ་དང་། ནུབ་བྱང་མི་རིགས་སློབ་ཆེན་སོགས་སློབ་གླིང་7ནས་སློབ་མ་400དབུལ་ཕོངས་ས་ཁུལ་དང་མི་རིགས་ས་ཁུལ་དུ་སློབ་སྐྱོར་བྱེད་པར་གཏོང་གི་ཡོད། མིག་སྔར་སློབ་མ་1200ཡི་སློབ་སྐྱོར་ལས་འགན་ལེགས་གྲུབ་ཟིན་པ་རེད། 
         ཡུད་ཙམ་ཞིག་ལ་ཝུའུ་ཐུང་ཡུས་འཕགས་དབུས་སློབ་ཆུང་དུ་སླེབས་ནས་ཟླ་2ལྷག་ཙམ་སོང་ཞིང་། སློབ་གྲྭ་ཐོན་ལ་ཉེ་བའི་སྐབས་སུ་སློབ་སྐྱོར་དུ་སྐྱོད་པའི་གདམ་ག་བྱས་པ་དེ་ལས་ལས་ཀ་འཚོལ་བའི་གོ་སྐབས་མང་པོ་ཞིག་ཤོར་བ་མཚོན་ཡོད་མོད། འོན་ཀྱང་ཝུའུ་ཐུང་ཡུས་ཀྱིས་དེར་སྣང་བ་མ་བཏང་བར་ཁོང་གིས“སློབ་སྐྱོར་ནི་རྩ་ཆེའི་ཉམས་མྱོང་ཞིག་རེད”ཅེས་བཤད། 
    【1】  【2】  【3】  【4】
    ༄༅།།སློབ་ཆེན་སློབ་མས་ཀན་ལྷོར་སློབ་གསོའི་རོགས་སྐྱོར་བྱེད་པ།
      

    ཕྱོགས་བསྡུས་གསར་འགྱུར།