༄༅།།ཀན་སུའུ་ཀན་ལྷོ་བོད་རིགས་ཁུལ་དུ་ཐང་ག་འགྲེམས་སྟོན་བྱས་པ།
གསར་འགྱུར་སྤེལ་དུས། 【2017ལོའི་ཟླ་ 11ཚེས་27ཉིན། 14:17】 (རྩོམ་སྒྲིག་འགན་འཁུར་པ། མཁའ་འགྲོ།)
མི་དམངས་དྲ་བའི་འཕྲིན། ཟླ་11ཚེས་23ཉིན། ཀན་སུའུ་ཀན་ལྷོ་བོད་རིགས་ཁུལ་གྱི་ཐང་ག་སྟོང་ཕྲག་ཙམ་ཞིག་ཀན་སུའུ་མི་རིགས་དགེ་འོས་སློབ་གླིང་དུ་གཅིག་སྡུད་དུ་ངོམ་སྟོན་བྱས་ཏེ་བོད་ཀྱི་སྣ་མང་རིག་གནས་འགྲེམས་སྟོན་བྱས་པ་རེད། ཐེངས་འདིའི་《ཀན་ལྷོའི་ཐང་ག་》འགྲེམས་སྟོན་དུ་ཁྱོན་ལེའུ་ལྔ་ཡོད་པ་དང་། རིམ་པ་ལྔ་བཅུ་ང་བཞི་ཡོད་ཅིང་། ཐང་ག་སྟོང་ཕྲག་ལྷག་ཙམ་ཡོད་ལ། ཐང་ག་རེ་རེ་ལའང་དམིགས་བསལ་གཏམ་རྒྱུད་ཀྱི་ནང་དོན་འདུས་ཡོད་པ་རེད།