༄༅།།བོད་ལྗོངས་ཀྱི"མཐའ་སྲུང་ཨ་མས"དཀའ་ངལ་ཡོད་པའི་བྱིས་པར་བརྩེ་སེམས་འཆང་བ། 

      མི་དམངས་དྲ་བའི་འཕྲིན། བོད་ལྗོངས་སྤྱི་བདེ་མཐའ་སྲུང་སྤྱི་ཁྱབ་རུ་ཁག་གཏིང་སྐྱེས་མཐའ་སྲུང་མངགས་གཏོང་ཁང་གིས་འདི་ལོའི་ཟླ་ལྔ་པར“མཐའ་སྲུང་ཨ་མས”ཆ་སྒྲིག་རོགས་སྐྱོར་བྱེད་པའི་བྱེད་སྒོ་སྤེལ་ཚུན། “མཐའ་སྲུང་ཨ་མ”9ཡིས་གཏིང་སྐྱེས་ཤང་ལྟེ་བའི་སློབ་ཆུང་གི་དུད་ཚང་དབུལ་པོའི་བྱིས་པ་15རྩིས་བླངས་ཤིང་། བྱིས་པ་དེ་དག་ཁྲོད་ཆུང་ཤོས་ལོ་4དང་ཆེ་ཤོས་ལོ་14ཡིན་པ་རེད། བུད་མེད་དཔོན་དམག་ཚོས་ཆ་སྒྲིག་བྱས་པའི་ཕྲུ་གུ་ཚོར“བུ་མོ”འམ“བུ”ཞེས་འབོད་པ་དང་ཕྲུ་གུ་ཚོས་ཁོང་ཚོར་བརྩེ་བ་ཟབ་མོས“མཐའ་སྲུང་ཨ་མ”ཞེས་འབོད་ཀྱི་ཡོད་པ་རེད།
       ལོ་ན་གཞོན་པའི“མཐའ་སྲུང་ཨ་མ”དེ་དག་མང་ཆེ་བ་ཕྲུ་གུའི་ཨ་མ་ཡིན་པ་དང་། ཁོང་ཚོས་ཟླ་རེར་རྫོང་ནས་རི་ཀླུང་བརྒལ་ཏེ་ཕྲུ་གུ་ཚོར་ཉུང་མཐར་ཡང་ཐེངས་གཉིས་ལྟ་བར་བསྐྱོད་ནས། “མ་ཚབ”ཀྱི་ལས་འགན་འཁུར་བ་མ་ཟད། དཀའ་ངལ་ཡོད་པའི་ཁྱིམ་ཚང་གི་བྱིས་པར་བསམ་པ་དང་འཚོ་བ་ཕྱོགས་གཉིས་ཐད་ནས་རོགས་སྐྱོར་བྱས་ཏེ་ཁོང་ཚོ་བདེ་ཐང་ངང་འཚར་ལོངས་ཡོང་བར་ཁྲིད་སྟོན་བྱས་པ་རེད།