༄༅།།ཀྲུང་གོའི་མཚོ་དམག་གི་ཁག་ཉེར་དྲུག་པའི་མཚོ་འགྲུལ་སྲུང་སྐྱེལ་དཔུང་རུས་དབྱིན་ཇིར་
འཚམས་འདྲི་བྱས་པ།

     མི་དམངས་དྲ་བའི་འཕྲིན། ཟླ་10ཚེས་3ཉིན། ཀྲུང་གོའི་མཚོ་དམག་གི་ཁག་ཉེར་དྲུག་པའི་མཚོ་འགྲུལ་སྲུང་སྐྱེལ་དཔུང་རུ་དབྱིན་ཇིའི་རྒྱལ་ས་ལོན་ཏོན་དུ་འབྱོར་ནས་དབྱིན་ཇིར་དུས་ཡུན་ཉིན་ལྔའི་མཛའ་མཐུན་འཚམས་འདྲི་བྱས་པ་དང་། འཚམས་འདྲི་བྱེད་རིང་མཚོ་འགྲུལ་སྲུང་སྐྱེལ་དཔུང་རུར་དབྱིན་ཇིའི་མཚོ་དམག་གི་འཐུས་མི་དང་། དབྱིན་ཇིར་བཅའ་སྡོད་ཀྲུང་གོའི་གཞུང་ཚབ་ཁང་དང་དེ་བཞིན་ཕྱིར་སྡོད་རང་མི་དང་ཕྱི་ཁོངས་ཀྲུང་གོ་བ། ཕྱི་སྦྱོང་སློབ་མ་བཅས་ཀྱི་འཐུས་མིའི་དགའ་བསུ་ཚད་མེད་ཐོབ་ཡོད།