༄༅།།མདོ་ལ་རི་བོའི་མཚོ་སྔོན་ཕྱོགས་སུ་རི་སྐྱེས་སྲོག་ཆགས་མང་པོ་ཞིག་འཚོ་ཡོད་པ་ཤེས་རྟོགས་བྱུང་བ།

      མི་དམངས་དྲ་བའི་འཕྲིན། མཚོ་སྔོན་ཞིང་ཆེན་མདོ་ལ་རི་བོའི་རང་བྱུང་སྲུང་སྐྱོང་ཁུལ་དོ་དམ་ཅུས་ཀྱིས་རྩ་འཛུགས་བྱས་པའི་མདོ་ལ་རི་བོའི་མཚོ་སྔོན་ཕྱོགས་ཀྱི་གསའ་རྟོག་ཞིབ་ལས་དོན་གྱི་རེས་སྐོར་དང་པོའི་གྲངས་གཞི་བསྡུ་ལེན་དེ་ཟླ་9ཚེས་25ཉིན་ལེགས་གྲུབ་བྱུང་ལ། ཚན་རིག་རྟོག་ཞིབ་མི་སྣ་ཡིས་དམར་ཕྱིའི་པར་ཆས་154ཙམ་བཞག་ཡོད་པ་ལས་པར་ཆས་143ཕྱིར་ལེན་ཐུབ་པ་རེད། དེའི་ནང་གི་པར་ཆས་40ལྷག་གིས་གསའ་ཡི་གཟུགས་བརྙན་པར་ལེན་བྱས་ཐུབ་ཡོད་པ་མ་ཟད། ད་དུང་དྲེད་མོང་དང་། གནའ་བ། གཡི། གོང་མོ་སོགས་ཀྱི་པར་རིས་ཀྱང་བླངས་ཡོད་པ་རེད།