༄༅།།"སྟག་མཆོང་རུ་ཁག"གི་དམག་མི་རྒན་གྲས་ཀྱིས་འོད་སྟོང་འཕྲོ་བའི་ལོ་ཟླ་རྗེས་དྲན་བྱས་པ།
གསར་འགྱུར་སྤེལ་དུས། 【2017ལོའི་ཟླ་ 09ཚེས་07ཉིན། 10:41】 (རྩོམ་སྒྲིག་འགན་འཁུར་པ། མཁའ་འགྲོ།)
མི་དམངས་དྲ་བའི་འཕྲིན། གཡོད་སེ་ཕུ·ཁུ་པོ་ནི“སྟག་མཆོང་རུ་ཁག”གི་དམག་མི་རྒན་གྲས་ཤིག་རེད། ཁོང་དེ་སྔ་ཀྲུང་གོར་དམག་རོགས་བྱེད་པར་ཡོང་མྱོང་ཡོད། ཁུ་པོ་1941ལོའི་ཟླ་བཅུ་གཉིས་པར་དམག་ལ་ཞུགས་པ་དང་1945ལོའི་ཟླ་བཅུ་གཉིས་པར་ཨ་རིར་ཕྱིར་ལོག་བྱས། ལོ་བཞི་ཡི་དམག་མིའི་འཚོ་བའི་རིང་ལོ་གཉིས་ཀྲུང་གོར་བསྡད་པ་རེད། ཁུ་པོའི་ཚེ་གང་རིང་བརྗེད་པར་དཀའ་བའི་མྱོང་ཚོར་ཚང་མ“སྟག་མཆོང་རུ་ཁག”ཏུ་ཡོད། ཁུ་པོས་བུ་མོར་དམག་འཁྲུག་གི་སྐོར་མང་པོ་ཤོད་མྱོང་ཡོད་ལ། ཀྲུང་གོ་མི་དམངས་ཀྱིས“སྟག་མཆོང་རུ་ཁག”དང་ལེན་བྱས་པའི་གནས་ཚུལ་ཡང་ཤོད་མྱོང་ཡོད་པ་རེད།