༄༅།།འཇོར་ཇི་ཡར་རྒྱལ་ཁབ་མང་པོའི་མཉམ་འབྲེལ་ དམག་དོན་ནང་སྦྱོང་བྱས་པ།

     མི་དམངས་དྲ་བའི་འཕྲིན། ཟླ་9ཚེས་3ཉིན“བདེ་ལྕག་འཁྱུག་པའི་སྙིང་སྟོབས་2017”ཞེས་ཚབ་བཏགས་པའི་རྒྱལ་ཁབ་མང་པོའི་དམག་དོན་ནང་སྦྱོང་འཇོར་ཇི་ཡའི་ལྷོ་རྒྱུད་ཀྱི་ཨོར་པོ་ལུའོ་དམག་དོན་རྟེན་གཞིར་འགོ་ཚུགས་པ་རེད།
     འཇོར་ཇི་ཡའི་རྒྱལ་སྲུང་པུས་དེ་ཉིན་གསལ་བསྒྲགས་སྤེལ་ཏེ་ཨ་རི་དང་། ཡུག་རེན། པུར་ཀ་རི་ཡ། ལ་ཐེ་ཝེ་ཡ། རོ་མ་ནི་ཡ། ཨ་ཟེར་བྷེ་ཅང་། འཇོར་ཇི་ཡ་བཅས་ཀྱི་དམག་མི་1500ཙམ་མཉམ་འབྲེལ་དམག་དོན་ནང་སྦྱོང་ལ་ཞུགས་རྒྱུ་རེད། དམག་དོན་ནང་སྦྱོང་གི་དམིགས་ཡུལ་ནི་དམག་དོན་ནང་སྦྱོང་ལ་ཞུགས་མཁན་རྒྱལ་ཁབ་ཀྱི་དམག་དཔུང་དབར་གྱི་མཐུན་སྦྱོར་དམག་འཐབ་ནུས་པ་ཆེ་རུ་དང་། དངོས་འཐབ་ཆུ་ཚད་མཐོ་རུ་བཏང་སྟེ་མཚོ་ནག་དང་དེ་བཞིན་ཀའོ་ཅ་སུའོ་ས་ཁུལ་གྱི་ཞི་བདེ་དང་བརྟན་ལྷིང་དེ་བས་ལེགས་པའི་ངང་སྲུང་སྐྱོང་བྱ་ཆེད་ཡིན་ཞེས་བཤད།