༄༅།།ཁྱད་ལྡན་ཀོ་ཤས་ཞིང་པ་ཕྱུག་པོ་ཆགས།

     མི་དམངས་དྲ་བའི་འཕྲིན། ཉེ་བའི་ལོ་ཤས་རིང་། ཧོ་པེ་ཞིང་ཆེན་ཧེང་ཧྲུའེ་གྲོང་ཁྱེར་ཀའོ་ཤིན་ཆུས་རེན་ཅ་ཁེང་གྲོང་ཚོས་ཞིང་པ་ཚོར་ཁྲིད་སྟོན་ཧུར་ཐག་བྱས་ནས“མཉམ་ལས་ཁང་དང་། རྟེན་གཞི། ཞིང་དུད་བཅས་མཉམ་དུ་འབྲེལ་བའི”གཉེར་སྐྱོང་བྱེད་སྟངས་སྤྱད་ནས་ཞིང་པ་ཚོར་ཁྱད་ལྡན་ཀོ་ཤ་འདེབས་རྒྱུའི་ལྕག་སྐུལ་བཏང་སྟེ་ཞིང་པར་ཡོང་སྒོ་གསར་པ་ཞིག་བཏོད་ཡོད། མིག་སྔར་རེན་ཅ་ཁེང་གྲོང་ཚོས་ཀོ་ཤ་འདེབས་ཁྱོན་མུའུ་200ལྷག་ཙམ་མང་དུ་བཏང་ཡོད་པ་དང་རིགས་ཁག་གི་ཀོ་ཤ་རྐང་ཁྲི་12བཏབ་སྟེ་ཞིང་པ་200ལྷག་ཙམ་ལ་ལས་ཞུགས་འབབ་འཕར་ཐུབ་པའི་སྣེ་ཁྲིད་བྱས་ཤིང་།