འཚོལ་བཤེར།   
藏文频道
2017ལོའི་ཟླ་7ཚེས་22ཉིན།
  • མི་དམངས་དྲ་བ།

    ༄༅།།རྒྱལ་སྲིད་སྤྱི་ཁྱབ་ཁང་གིས་《རབས་གསར་པའི་མི་ཐབས་རིག་ནུས་འཕེལ་རྒྱས་འཆར་འགོད་》
    པར་འགྲེམས་བྱས་པ།

    གསར་འགྱུར་སྤེལ་དུས།  【2017ལོའི་ཟླ་ 07ཚེས་22ཉིན། 16:52】   (རྩོམ་སྒྲིག་འགན་འཁུར་པ། སྙིང་ལྕགས།)

     
             མི་དམངས་དྲ་བའི་འཕྲིན། ཉེ་ཆར་རྒྱལ་སྲིད་སྤྱི་ཁྱབ་ཁང་གིས་《རབས་གསར་པའི་མི་ཐབས་རིག་ནུས་འཕེལ་རྒྱས་འཆར་འགོད་》(གཤམ་དུ《འཆར་འགོད་》ཞེས་བསྡུ་རྒྱུ)པར་འགྲེམས་བྱས་ནས་2030ལོར་ཕྱོགས་པའི་རང་རྒྱལ་གྱི་རབས་གསར་པའི་མི་ཐབས་རིག་ནུས་འཕེལ་རྒྱས་ཀྱི་མཛུབ་ཁྲིད་བསམ་བློ་དང་། འཐབ་ཇུས་དམིགས་ཚད། གཙོ་གནད་ལས་འགན། འགན་ལེན་བྱ་ཐབས་བཅས་བཏོན་པ་དང་འབྲེལ་རང་རྒྱལ་གྱི་མི་ཐབས་རིག་ནུས་འཕེལ་རྒྱས་ཀྱི་སྔོན་འཕེལ་ལེགས་ཆ་གཏོད་རྒྱུ་དང་གསར་གཏོད་རྣམ་པའི་རྒྱལ་ཁབ་དང་འཛམ་གླིང་གི་ཚན་རྩལ་སྟོབས་ཆེན་རྒྱལ་ཁབ་མགྱོགས་མྱུར་བསྐྲུན་རྒྱུ་བཀོད་སྒྲིག་བྱས་ཡོད་པ་རེད།
            《འཆར་འགོད་》ནང་རང་རྒྱལ་གྱི་རབས་གསར་པའི་མི་ཐབས་རིག་ནུས་འཕེལ་རྒྱས་ཀྱི་འཐས་ཇུས་དམིགས་ཚད་ཁ་གསལ་བཏོན་པ་སྟེ་2020ལོར་སླེབས་སྐབས་མི་ཐབས་རིག་ནུས་ཀྱི་སྤྱིའི་ལག་རྩལ་དང་བཀོལ་སྤྱོད་དེ་འཛམ་གླིང་གི་སྔོན་ཐོན་ཆུ་ཚད་དང་སྙོམས་ཐུབ་པ་བྱེད་པ་དང་། མི་ཐབས་རིག་ནུས་ཀྱི་ཐོན་ལས་དེ་དཔལ་འབྱོར་གྱི་འཕར་གཞི་གསར་པ་གལ་ཆེན་དུ་འགྱུར་བ་བྱས་ནས་མི་ཐབས་རིག་ནུས་ལག་རྩལ་སྤྱོད་རྒྱུ་དེ་དམངས་འཚོ་ལེགས་བཅོས་ཀྱི་ཐབས་ལམ་གསར་པ་ཞིག་ཏུ་འགྱུར་བ་བྱ་རྒྱུ་དང་། 2025ལོར་སླེབས་སྐབས་མི་ཐབས་རིག་ནུས་ཀྱི་རྨང་གཞིའི་རིགས་པའི་གཞུང་ལུགས་ལ་ཚད་བརྒལ་ཆེན་པོ་ཡོང་བ་བྱས་ནས་ལག་རྩལ་དང་བཀོད་སྤྱོད་ཁག་གཅིག་འཛམ་གླིང་གི་སྔོན་ཐོན་ཆུ་ཚད་ཏུ་སླེབས་ཐུབ་པ་བྱ་རྒྱུ་དང་མི་ཐབས་རིག་ནུས་དེ་རང་རྒྱལ་གྱི་ཐོན་ལས་རིམ་སྤོར་དང་དཔལ་འབྱོར་ཕྱོགས་སྒྱུར་གྱི་འགུལ་ཤུགས་གཙོ་བོ་ཞིག་ཏུ་འགྱུར་བ་བྱས་ནས་རིག་ནུས་སྤྱི་ཚོགས་འཛུགས་སྐྲུན་ལ་དགེ་མཚན་ལྡན་པའི་འཕེལ་རྒྱས་ཡོང་བ་བྱ་རྒྱུ། 2030ལོར་སླེབས་སྐབས་མི་ཐབས་རིག་ནུས་ཀྱི་རིགས་པའི་གཞུང་ལུགས་དང་ལག་རྩལ་བཀོལ་སྤྱོད་ཧྲིལ་པོ་འཛམ་གླིང་གི་སྔོན་ཐོན་ཆུ་ཚད་དུ་སླེབས་པ་བྱས་ནས་འཛམ་གླིང་གི་མི་ཐབས་རིག་ནུས་གསར་གཏོད་ལྟེ་གནས་གཙོ་བོར་འགྱུར་བ་བྱ་རྒྱུ་བཅས་རེད།
      

    ཕྱོགས་བསྡུས་གསར་འགྱུར།