༄༅།།ཁྲུང་ཆིང་གྲོང་ཁྱེར་གྱི་གྲོང་མི་རྣམས་ཆུའི་ནང་རུབ་འཛོམས་བྱས་ཏེ་ཚ་གཡོལ་བྱེད་བཞིན་པ།

     མི་དམངས་དྲ་བའི་འཕྲིན། ཟླ7ཚེས་12ཉིན་གྱི་སྔ་དྲོར། ཁྲུང་ཆིང་གྲོང་ཁྱེར་གྱི་གནམ་གཤིས་བརྟག་དཔྱད་ཁང་གིས་སླར་ཡང"ཚ་གདུག་ཆེ་བའི་ལི་མདོག་ཉེན་ཟོན་སྔོན་བརྡ"བཏང་བ་རེད། ཚོད་དཔག་བྱས་པ་ལྟར་ན་ཁྲུང་ཆིང་དབུས་རྒྱུད་སོགས་ཆུས་དང་རྫོང་28ཀྱི་གནམ་གཤིས་དྲོད་ཚད་37℃ཡན་ལ་ཟིན་རྒྱུ་ཡིན་པ་དང་། ཚེས་11ཉིན་ནས་བཟུང་། ཁྲུང་ཆིང་དངོས་སུ་ཚ་དུས་གསུམ་གྱི་དུས་སུ་སླེབས་ཤིང་། ས་ཁུལ་ཁ་ཤས་སུ་ཁང་ཕྱིའི་དྲོད་ཚད་40℃ཡན་ཟིན་པ་རེད། ཁྲུང་ཆིང་གྲོང་ཁྱེར་ཡོངས་སུ་དབྱར་གཞུང་ཚ་གདུག་ཆེ་བས་ཁེངས་པ་རེད། ཚ་གདུག་ཧ་ཅང་ཆེ་བའི་རྐྱེན་གྱིས་ཆུ་ཁར་གཡེང་ནས་འགྲོ་བ་དང་ཆུ་ཐོག་སྤྲོ་གླིང་སོགས་ནི་གྲོང་མི་ཚོས་འདེམས་པའི་ཚ་གདུག་གཡོལ་བའི་བྱེད་སྒོ་ཨང་དང་པོར་གྱུར་པ་རེད།