༄༅།།ཧྲའོ་ལིན་དགོན་པའི་མུའུ་བརྒྱ་ཡི་ཞིང་ཁའི་ལོ་ཏོག་བསྡུ་བ།

       མི་དམངས་དྲ་བའི་འཕྲིན། དབྱར་ཟླ་དྲུག་པའི་ཟླ་དཀྱིལ་དུ་སླེབས་པ་དང་བསྟུན་ནས། ཧྲའོ་ལིན་དགོན་པའི་ས་ཞིང་མུའུ་བརྒྱ་ལྷག་ཙམ་གྱི་ལོ་ཏོག་བསྡུ་བའི་དུས་སུ་བབས་པ་རེད། ཟླ་6ཚེས་15ཉིན། ཧྲའོ་ལིན་དགོན་པའི་ཞིང་རར་ཧ་ཅང་བྲེལ་ཟིང་ཆེ་ལ། དགེ་འདུན་བརྒྱ་ཕྲག་ལྷག་ཙམ་གྱིས་ཟོར་བ་བསྣམས་ནས་ལོ་ཏོག་རྔ་བ་དང་། དེ་ནས་གཡུལ་ལས་བྱས་རྗེས་འབྲུ་རིགས་རྩྭ་རས་ནང་ལུག་པ་དང་འདྲུད་འཐེན་འཁོར་ལོར་དབོར་རྗེས། དེ་ནས་དགོན་པའི་འབྲུ་མཛོད་དུ་བསྡུ་བ་རེད།
        ཤེས་རྟོགས་བྱུང་གསལ་དུ། ཧྲའོ་ལིན་དགོན་གྱི་གྲྭ་པ་ཚོས་སྔར་ནས་རང་ཁ་རང་གསོ་བྱེད་ཀྱི་ཡོད་ལ། གནས་ཚུལ་འདི་ལ་དགེ་འདུན་ཁོང་ཚོའི་ལྟ་ཚུལ་དུ་ཞིང་ལས་གཉེར་བ་ཡང་སྒྲིབ་སྦྱོང་ཞིག་ཏུ་འདོད་ཀྱི་ཡོད་པ་རེད། ཞིང་ལས་དང་སྒོམ་སྒྲུབ་ཟུང་འབྲེལ་བྱེད་པ་ནི་ཧྲའོ་ལིན་དགོན་པའི་སྲོལ་རྒྱུན་ཞིག་ཡིན་ལ། དགེ་འདུན་ཚོས་ཀྱང"ཉིན་གཅིག་མ་ལས་ན། ཉིན་དེར་ཟས་མེད་པ"རྒྱུན་འཁྱོངས་བྱེད་ཀྱི་ཡོད་པ་རེད། 【1】  【2】  【3】  【4】  【5】