༄༅།།བོད་ལྗོངས་ཀྱིས་མང་ཚོགས་ཀྱི་ཁེ་ཕན་ལ་གནོད་པའི་ཚུལ་མིན་གྱི་སྤྱོད་ཚུལ་དང་རུལ་
སུངས་ཀྱི་གནད་དོན་ཞིག་བརྡ་ཁྱབ་བཏང་བ།
གསར་འགྱུར་སྤེལ་དུས། 【2017ལོའི་ཟླ་ 06ཚེས་12ཉིན། 13:53】 (རྩོམ་སྒྲིག་འགན་འཁུར་པ། མཁའ་འགྲོ།)
མི་དམངས་དྲ་བའི་འཕྲིན། གཞིས་ཀ་རྩེ་གྲོང་ཁྱེར་བསམ་གྲུབ་རྩེ་ཆུས་སྣར་ཤང་གི་ཏང་ཨུད་ཧྲུའུ་ཅུའུ་གཞོན་པ་དང་ཤང་གི་འགོ་འཛིན་ཧན་ཁེ་ཀུའེ་ལ་དམངས་ཕན་མ་དངུལ་རྫུན་ཞུས་དང་སྤྱོད་སྒོ་གཞན་ལ་བཏང་བའི་གནད་དོན་ཡོད་པ་དང་། ཧན་ཁེ་ཀུའེ་ཡིས་ཕུ་ཤར་གྲོང་ཚོ་དང་འབག་སྣ་གྲོང་ཚོ་རུ་གྲོང་ཚོར་བཅའ་སྡོད་ལས་དོན་རུ་ཁག་གི་རུ་དཔོན་བྱས་པའི་རིང་ལ། སྔ་གཞུག་ཏུ་གྲོན་དངུལ་སྒོར་ཁྲི་2.4ལྷག་རྫུན་ཞུས་བྱས་པ་ཡོད་པ་དང་། སྤྱོད་སྒོ་གཞན་ལ་བཏང་བའི་སྒོར་ཁྲི་1.5ལྷག་གྲོང་ཚོར་བཅའ་སྡོད་མི་སྣའི་འཚོ་བའི་འགྲོ་སོང་དུ་རྩིས་ཡོད་པ་རེད། 2016ལོའི་ཟླ་བ་2པར་ཧན་ཁེ་ཀུའེ་ལ་སྲིད་འཛིན་ཐོག་གི་ཉེས་ཐོ་འགོད་པའི་ཆད་པ་ཕོག་ཡོད་པ་རེད།