འཚོལ་བཤེར།   
藏文频道
2017ལོའི་ཟླ་5ཚེས་31ཉིན།
  • མི་དམངས་དྲ་བ།

    ༄༅༎ཀྲུང་གོའི་ཡུན་ནན་ས་མཐོའི་ཁྱད་ལྡན་ཞིང་ལས་པུར་ཀ་རི་ཡར་འགྲེམས་སྟོན་བྱས་པ།

    གསར་འགྱུར་སྤེལ་དུས།  【2017ལོའི་ཟླ་ 05ཚེས་31ཉིན། 11:57】   (རྩོམ་སྒྲིག་འགན་འཁུར་པ། ཀླུ་སྒྲོན།)

     
         མི་དམངས་དྲ་བའི་འཕྲིན། ཉེ་ལམ། ཀྲུང་གོའི་ཡུན་ནན་ས་མཐོའི་ཁྱད་ལྡན་ཞིང་ལས་འོས་སྦྱོར་འགྲེམས་ཚོགས་པུར་ཀ་རི་ཡའི་རྒྱལ་ས་སོ་ཧྥེ་ཡར་གཉེར་བ་དང་། ཡུན་ནན་གྱི་ཞིང་ལས་ཁེ་ལས་30ལྷག་ཙམ་གྱིས་རིགས་སྣ་ཚོགས་ཀྱི་ཁྱད་ལྡན་ཞིང་ལས་ཐོན་རྫས་འགྲེམས་སྟོན་བྱས་ནས་པུར་ཀ་རི་ཡའི་ལས་རིགས་གཅིག་པའི་ཡིད་དབང་བཀུག་ཡོད།
         ཡུན་ནན་ཞིང་ཆེན་གྱི་ཧྲེང་ཀྲང་གཞོན་པ་ཀྲང་ཙུའུ་ལིན་གྱིས་འགྲེམས་ཚོགས་ཐོག་ཡུན་ནན་འདི་ཉིད་ཀྲུང་གོའི་མཐའ་མཚམས་སུ་གནས་པ་དང་རང་བྱུང་ཐོན་ཁུངས་ཕུན་སུམ་ཚོགས་པོ་ཡོད་པ་མ་ཟད། ད་དུང་པུར་ཀ་རི་ཡ་ལྟར་གྱི་ཕུན་སུམ་ཚོགས་པའི་ཁྱད་ལྡན་ཞིང་ལས་ཡོད། ཡུན་ནན་ནི་ཀྲུང་གོའི་ཀོག་ཧྥེ་དང་ཕོར་ཇ་སོགས་ས་མཐོའི་ཁྱད་ལྡན་ཞིང་ལས་ཐོན་རྫས་ཐོན་སྐྱེད་བྱེད་མཁན་ཞིང་ཆེན་ཡིན་པ་དང་པུར་ཀ་རི་ཡ་ནི་རྒྱ་སེ་མེ་ཏོག་དང་རྒུན་འབྲུམ་ཐོན་སྐྱེད་དང་ལས་སྣོན་སྟོབས་ཆེན་རྒྱལ་ཁབ་ཡིན་པས་ཕྱོགས་གཉིས་པོར་ཞིང་ལས་མཉམ་ལས་ཀྱི་གསབ་རེས་རང་བཞིན་ཆེན་པོ་ལྡན་ཡོད་ལ། མདུན་ལམ་ཡང་ཆེན་པོ་ཡོད་ཅེས་བཤད་པ་རེད།
         པུར་ཀ་རི་ཡའི་ཞིང་ལས་པུའི"ཀྲུང་གོ་དང་ཡོ་རོབ་དབུས་ཤར་རྒྱལ་ཁབ་ཀྱི་ཞིང་ལས་མཉམ་ལས་སྐུལ་སྤེལ་མཉམ་འབྲེལ་ཚོགས་པའི"ཚོགས་གཙོ་ཀའེ་ལའེ་ཕུའུ་ཡིས་ཚེས་23ཉིན་པུར་ཀ་རི་ཡ་དང་ཀྲུང་གོས"16+1"གི་ཞིང་ལས་མཉམ་ལས་དཔེ་སྟོན་ཁུལ་འཛུགས་པའི་གྲ་སྒྲིག་ལས་དོན་མཉམ་དུ་སྤེལ་འགོ་བཙུགས་ཡོད། ཁྱད་ལྡན་ཞིང་ལས་གླིང་འཛུགས་སྐྲུན་ཐད་ཡུན་ནན་ལ་ཉམས་མྱོང་ཕུན་སུམ་ཚོགས་པོ་ཡོད་པས་པུར་ཀ་རི་ཡས་ཡུན་ནན་གྱི་ཉམས་མྱོང་དཔྱད་གཞིར་འཛིན་ནས་དཔེ་སྟོན་ཁུལ་འཛུགས་སྐྲུན་ལ་གྲུབ་འབྲས་ཐོབ་པའི་ཡིད་ཆེས་ཡོད་ཅེས་བཤད་པ་རེད།
         མཚམས་སྦྱོར་འགྲེམས་ཚོགས་ཐོག་པུར་ཀ་རི་ཡའི་ཞིང་ལས་ཁེ་ལས་མི་སྣས་ཡུན་ནན་ས་མཐོའི་ཁྱད་ལྡན་ཞིང་ལས་ཐོན་རྫས་ལ་ལྟ་སྐོར་བྱས་པ་དང་འབྲེལ་བྲོ་བའང་བལྟས་པ་དང་། ཁ་གཏད་ཀྱི་ངོ་འཕྲད་གྲོས་མོལ་ཡང་བྱས་པ་རེད།
      

    ཕྱོགས་བསྡུས་གསར་འགྱུར།