༄༅།།སྤྱི་བདེ་པུའུ་ཡིས་བཀོད་འདོམས་བྱས་ནས་རྒྱལ་ཁོངས་ལས་བརྒལ་བའི་དྲ་སྦྲེལ་རྒྱན་འགྱེད་ཀྱི་
གྱོད་དོན་ཚབས་ཆེན་ཞིག་རྩད་ཆོད་དེ་བཟུང་བ།

      མི་དམངས་དྲ་བའི་འཕྲིན། ཟླ་4ཚེས་26ཉིན། གསར་འགོད་པས་སྤྱི་བདེ་པུའུ་ནས་ཤེས་རྟོགས་བྱུང་གསལ་དུ། ཟླ་4ཚེས་18ཉིན། ཀྲུང་གོ་དང་ཧྥི་ལི་ཕིན་རྒྱལ་ཁབ་གཉིས་ཀྱི་ཁྲིམས་འཛིན་སྡེ་ཁག་མཉམ་ལས་དམ་ཟབ་བྱས་ཏེ་རྒྱལ་ཁོངས་ཕྱི་ནང་གཉིས་སུ་ཉེས་ཅན་འཛིན་བཟུང་བྱས་པས། རྒྱལ་ཁོངས་ལས་བརྒལ་བའི་དྲ་རྒྱའི་རྒྱན་འགྱེད་ཀྱི་གྱོད་དོན་ཚབས་ཆེན་ཞིག་རྩད་ཆོད་འཛིན་བཟུང་ཐུབ་ཡོད་པ་དང་། ཧྥི་ལི་ཕིན་རྒྱལ་ཁབ་ཏུ་སྒྲིག་བཀོད་བྱས་པའི"KONEསྤྲོ་སྐྱིད"སོགས་ཀྱི་རྒྱན་འགྱེད་དྲ་ཚིགས་ཁག་བཞི་གཏོར་ཅིང་། རྒྱལ་ཁོངས་ཕྱི་ནང་གི་གྱོད་འབྲེལ་མི་སྣ་99བཟུང་ཡོད། རྩིས་ཁྲའི་ཨང་གྲངས་1100བསྡམས་བཅད་བྱས་པ་དང་། ཤེས་བཤེར་བྱུང་བའི་མ་དངུལ་སྒོར་ཁྲི་7000ལྷག་ཙམ་བསྡམས་བཅད་བྱས་པ་རེད།
       ཟླ་4ཚེས་25ཉིན་གྱི་དགོང་མོར། ཧྥི་ལི་ཕིན་རྒྱལ་ཁབ་ཏུ་བཟུང་བའི་གྱོད་འབྲེལ་མི་སྣ་55བདེ་བླག་ངང་རྒྱལ་ནང་དུ་བསྐྱལ་བ་རེད། གྱོད་དོན་འདི་ནི་རྒྱལ་ཁབ་སྔོན་འགོག་ཚོད་འཛིན་བཅོས་སྐྱོང་གི་རྒྱལ་ཁོངས་ལས་བརྒལ་བའི་དྲ་རྒྱའི་རྒྱན་འགྱེད་བྱེད་སྒོ་མཐུན་སྦྱོར་ལམ་སྲོལ་ལག་བསྟར་བྱས་པའི་རྗེས། རྒྱལ་ཁོངས་ཕྱི་ནང་ནས་ཉེས་ཅན་འཛིན་བཟུང་དང་། སྤྱི་བདེ་པུའུ་ཡིས་ལྟ་སྐུལ་ལག་བསྟར་བྱས་པའི་རྒྱལ་ཁོངས་ལས་བརྒལ་བའི་དྲ་རྒྱའི་རྒྱན་འགྱེད་གྱོད་དོན་ཐོག་མ་དེ་རེད།