༄༅།།ཚྭ་འདམ་གཤོངས་སའི་འདྲེ་ཚེར་མ།
གསར་འགྱུར་སྤེལ་དུས། 【2017ལོའི་ཟླ་ 04ཚེས་27ཉིན། 14:46】 (རྩོམ་སྒྲིག་འགན་འཁུར་པ། མཁའ་འགྲོ།)
མི་དམངས་དྲ་བའི་འཕྲིན། ཚྭ་འདམ་གཤོངས་སའི་གཡུ་གཞོང་ཞིང་ལས་འདེབས་འཛུགས་ཀྱི་གྲུབ་ཆ་སྔར་མུས་བཞིན་གཅིག་རྐྱང་དུ་གནས་པའི་རྐྱེན་གྱིས“ལྟོ་གོས་འཕྱིད་ཙམ་གྱི་ཐོན་ལས”ཀྱི་དཀའ་གནས་ལས་སྒྲོལ་ཐུབ་མེད་ཀྱང་། ཉེ་བའི་ལོ་ཤས་རིང་། ས་གནས་སྲིད་གཞུང་གི་སྡེ་ཚན་གྱིས་དེ་གའི་དམིགས་བསལ་གྱི་ས་གཤིས་ཁོར་ཡུག་དང་ས་བབ་མཐོ་ཞིང་གྲང་ངར་ཆེ་བའི་གནམ་གཤིས་ཀྱི་ཆ་རྐྱེན་ལ་གཞིགས་ནས་ཁྱད་ལྡན་སྐྱེ་དངོས་ཐོན་ལས་འཕེལ་རྒྱས་མགྱོགས་སུ་གཏོང་བའི་ཞིང་འབྲོག་ཐོན་ལས་ཀྱི་གྲུབ་ཆ་ལེགས་སྒྲིག་ལ་སྐུལ་མ་བཏང་སྟེ་ཕྱོགས་སྒྱུར་མགྱོགས་མྱུར་གྱི་ལམ་ཞིག་བཏོད་ཅིང་། འདི་ནི་མཚོ་སྔོན་གོར་མོ་གྲོང་ཁྱེར་ཏ་ཀེ་ལེ་ཤང་དུ་ལས་མི་ཞིག་གིས་ཉི་སྐམ་བཏང་བའི་འདྲེ་ཚེར་མར་ལྟ་ཞིབ་བྱེད་བཞིན་པ།