༄༅།།ཁྲོན་བོད་གཞུང་ལམ་སྟེ་དངུལ་མདའི་ལམ་བཅོས་སྒྲིག་ལེགས་འགྲུབ་བྱུང་བ།

      མི་དམངས་དྲ་བའི་འཕྲིན། 2016ལོའི་ཟླ་7ཚེས་23ཉིན་གྱི་དྲག་ཆར་བབས་པའི་ཤུགས་རྐྱེན་གྱིས་བོད་ལྗོངས་ཆབ་མདོ་གྲོང་ཁྱེར་སྨར་ཁམས་རྫོང་ཁོངས་ཀྱི་ཁྲོན་བོད་གཞུང་ལམ་དངུལ་མདའི་དུམ་མཚམས་ཆད་པའི་གནོད་སྐྱོན་བྱུང་བ་རེད། 2017ལོའི་ཟླ་3པའི་ཟླ་དཀྱིལ་དུ། ཉེན་རྟོག་འགྲིམ་འགྲུལ་ཡན་ལག་རུ་ཁག་གཉིས་པའི་བཅོས་སྒྲིག་འཕྲལ་སྒྲུབ་རུ་ཁག་བཙུགས་ཏེ། དངུལ་མདའི་དུམ་མཚམས་ཕྱོགས་ཡོངས་ནས་བསྐྱར་གསོ་བཅོས་སྒྲིག་བྱས་པ་དང་། ཟླ་4ཚེས་15ཉིན་བར་དུ། ཁྲོན་བོད་གཞུང་ལམ་གྱི་ཆད་སྐྱོན་བྱུང་བའི་དངུལ་མདའ་དུམ་མཚམས་སྤྱི་ལེ་53བསྐྱར་གསོ་ལེགས་འགྲུབ་བྱུང་སྟེ། ཤར་བགྲོད་ཐུབ་ཚད་ཀྱང་ཇེ་ཆེར་ཕྱིན་ཡོད་པ་རེད།