༄༅།།གསུམ་པའི་ཚེས་གསུམ་གྱི་གྲངས་ཉུང་མི་རིགས་ཀྱི་ཡུལ་སྲོལ་རིག་གནས།

         མི་དམངས་དྲ་བའི་འཕྲིན། ཟླ་3ཚེས་30ཉིན་ནི་ལུགས་རྙིང་གི་ཟླ་3ཚེས་3གྱི་ཉིན་མོ་ཡིན་པ་རེད། ཉིན་འདི་ནི་རང་རྒྱལ་གྱི་ཀྲོང་རིགས་དང་། ཧྲེ་རིགས། ཡའོ་རིགས། མིའོ་རིགས། ལི་སུའུ་རིགས་སོགས་ཀྱི་མི་རིགས་ཁག་གི་སྲོལ་རྒྱུན་དུས་ཆེན་ཞིག་ཡིན་པ་རེད། ཀོང་ཞི་དང་ཀུའེ་ཀྲོའུ། ཧྥུའུ་ཅན། ཧའེ་ནན་སོགས་སུ་དམངས་སྲོལ་བྱེད་སྒོ་རྣམ་པ་སྣ་ཚོགས་སྤེལ་བས། རྒྱལ་ཁབ་ཕྱི་ནང་གི་ཡུལ་སྐོར་བ་མང་པོ་ཞིག་གི་ཡིད་དབང་འགུག་བཞིན་ཡོད་པ་རེད།
        ས་གནས་ཁག་ཏུ་བྱེད་སྟངས་མི་འདྲ་བའི་སྒོ་ནས་མི་རིགས་ཀྱི་ཁྱད་ཆོས་ཟབ་མོ་ལྡན་པའི་སྲོལ་རྒྱུན་དུས་ཆེན་འདིར་རྟེན་འབྲེལ་ཞུ་བཞིན་ཡོད་ལ། སྔོན་གྱི་ལོ་རྒྱུས་ལ་བརྟེན་ནས་སྲོལ་རྒྱུན་ཡང་བསྐྱར་དྲན་བྱེད་ཀྱི་ཡོད་ཅིང་། དེང་རབས་དང་མཐུད་སྦྲེལ་བྱས་ཏེ་སྲོལ་རྒྱུན་རིག་གནས་ལ་གསོན་ཤུགས་གསར་པ་བསྣན་ཡོད་པ་རེད།