༄༅།།རྒྱལ་ཁབ་ཉི་ཤུ་ཚོགས་པས་རྒྱལ་སྤྱིའི་དཔལ་འབྱོར་དང་དངུལ་རྩའི་མཉམ་ལས་ལ་ཤུགས་
སྣོན་རྒྱག་དགོས་པའི་བསྐྱར་བཤད་བྱས་པ།

     མི་དམངས་དྲ་བའི་འཕྲིན། ཟླ་3ཚེས་18ཉིན་རྒྱལ་ཁབ་ཉི་ཤུ་ཚོགས་པའི(G20)ནོར་སྲིད་པུའུ་ཀྲང་དང་ཀྲུང་དབྱང་དངུལ་ཁང་གི་ཧང་ཀྲང་ཚོགས་འདུ་ཟླ་3ཚེས་18ཉིན་འཇར་མན་གྱི་གྲོང་ཁྱེར་པ་ཏེང—པ་ཏེང་དུ་གྲོལ་བ་དང་། ཚོགས་འདུའི་ཐོག་རྒྱལ་སྤྱིའི་དཔལ་འབྱོར་དང་དངུལ་རྩའི་མཉམ་ལས་ལ་ཤུགས་སྣོན་བརྒྱབ་ནས། དངུལ་ལོར་སྲིད་ཇུས་དང་། ནོར་སྲིད་སྲིད་ཇུས། གྲུབ་ཆའི་རང་བཞིན་གྱི་སྒྱུར་བཅོས་བཅས་ཚུད་པའི་སྲིད་ཇུས་ཀྱི་ལག་ཆ་ཡོད་ཚད་སྤྱོད་རྒྱུ་མཐའ་འཁྱོངས་ཀྱིས་ཤུགས་དྲག་ཆེ་བ་དང་། རྒྱུན་མཐུད་ཆོག་པ། དོ་སྙོམས། བསྟུན་མཁས་རང་བཞིན་བཅས་ངང་འཕེལ་རྒྱས་འགྲོ་བའི་དམིགས་ཡུལ་མངོན་འགྱུར་བྱས་ནས་དཔལ་འབྱོར་དང་དངུལ་རྩའི་སེམས་ཤུགས་བརྟན་དུ་གཏོང་དགོས་པའི་བསྐྱར་བཤད་བྱས་ཤིང་། གོང་གི་པར་རིས་ནི་འཇར་མན་གྱི་གྲོང་རྡལ་པ་ཏེང—པ་ཏེང་དུ་འཇར་མན་ནོར་སྲིད་པུའུ་ཀྲང་ཧྲོའོ་དབྱི་པུའུ་ལེ(དཀྱིལ་)རྒྱལ་ཁབ་ཉི་ཤུ་ཚོགས་པའི་ནོར་སྲིད་པུའུ་ཀྲང་དང་ཀྲུང་དབྱང་དངུལ་ཁང་གི་ཧང་ཀྲང་ཚོགས་འདུའི་གསར་འགྱུར་ཡོངས་བསྒྲགས་ཚོགས་འདུར་ཞུགས་པའི་གནས་ཚུལ་ཡིན་པ།