༄༅།།ཉེ་ཆར“ཁམ་བུའི་མེ་ཏོག་གྲོང་ཚོར”འབོད་པའི་བོད་ལྗོངས་ཉིང་ཁྲི་གྲོང་ཁྱེར་ཀ་ལ་
གྲོང་ཚོར་ཁམ་བུའི་མེ་ཏོག་བཞད་འགོ་ཚུགས་ནས་དཔྱིད་ཉམས་མངོན་པ།

     མི་དམངས་དྲ་བའི་འཕྲིན། མི་གྲངས་153ལས་མེད་པའི་ཀ་ལ་གྲོང་ཚོས་གྲོང་ཚོའི་ཁམ་བུའི་མེ་ཏོག་གླིང་ཁའི་མཛེས་ལྗོངས་ཁུལ་ལ་བརྟེན་ནས་ཞིང་པའི་སྤྲོ་སྐྱིད་ཁང་དང་འགྲིམ་འགྲུལ་སྐྱེལ་འདྲེན་སོགས་ཕྱུག་འགྱུར་ལམ་བུ་རྒྱ་ཆེར་བཏོད་བཞིན་ཡོད། 2016ལོར་མི་རེར་ཆ་སྙོམས་ཡོང་འབབ་ཁེ་གཙང་སྒོར་17062.09ཟིན་པ་དང་། 2016ལོའི“ཉིང་ཁྲི་གྲོང་ཁྱེར་གྱི་སྐབས་བཅུ་བཞི་པའི་ཁམ་བུའི་མེ་ཏོག་རིག་གནས་ཡུལ་སྐོར་དུས་ཆེན”ཁོ་ནར་ཀ་ལ་གྲོང་ཚོས་བསྡོམས་ཡུལ་སྐོར་བ་མི་ཐེངས་51480ལ་སྣེ་ལེན་ཞུས་པར་ཡུལ་སྐོར་ཡོང་འབབ་སྒོར་ཁྲི་120ལས་བརྒལ་བ་མ་ཟད། སྣོད་བཅུད་ཡུལ་སྐོར་གྱིས་ཀ་ལ་གྲོང་ཚོའི་གྲོང་མིར་འཚོ་རྟེན་བརྟན་པོ་རྙེད་ཅིང་། འདི་ནི་ཀ་ལ་ཁམ་བུའི་མེ་ཏོག་མཛེས་ལྗོངས་ཁུལ་དུ་ཀ་ལ་གྲོང་ཚོའི་གྲོང་མིས་དགུན་གྲོར་རྐོ་མ་རྒྱག་པའི་གནས་ཚུལ་ཡིན་པ།