༄༅།།ཧན་གོས་ཟླ་5ཚེས་9ཉིན་ཙུང་ཐུང་འདེམས་བསྐོ་བྱ་རྒྱུ་ཡིན་པ།
གསར་འགྱུར་སྤེལ་དུས། 【2017ལོའི་ཟླ་ 03ཚེས་18ཉིན། 14:06】 (རྩོམ་སྒྲིག་འགན་འཁུར་པ། མཁའ་འགྲོ།)
མི་དམངས་དྲ་བའི་འཕྲིན། ཟླ་3ཚེས་15ཉིན་ཧན་གོའི་ཙུང་ཐུང་གི་འགན་དབང་ཚབ་འཛིན་མཁན་རྒྱལ་དོན་ཙུང་ལི་ཧོང་ཅའོ་ཨན་གྱིས་ཧན་གོའི་ཙུང་ཐུང་འདེམས་བསྐོ་ཟླ་5ཚེས་9ཉིན་བྱས་ཏེ། ཙུང་ཐུང་ཟུར་པ་ཕེའོ་ཅིན་ཧུའེ་ཡི་ཚབ་བྱེད་འདེམས་རྒྱུ་ཡིན་པ་ཁྱབ་བསྒྲགས་བྱས་པ་རེད།
ཚེས་10ཉིན་ཧན་གོའི་རྩ་ཁྲིམས་ཁྲིམས་ཁང་གིས་ཙུང་ཐུང་ཕེའོ་ཅིན་ཧུའེ་ཡི་ནག་ཉེས་ཐེར་འདོན་གྱོད་གཞིར་གྲོས་འཆམ་བྱུང་ཞིང་། འབྲེལ་ཡོད་གཏན་འབེབས་གཞིར་བཟུང་། ཧན་གོས་ཉིན་60ནང་ཚུན་དུ་ཙུང་ཐུང་འདེམས་བསྐོ་བྱ་རྒྱུ་ཡིན་པ་དང་དུས་མཚུངས་འདེམས་བསྐོའི་ཉིན་50གོང་ཞིབ་ཕྲའི་དུས་ཚོད་ཁྱབ་བསྒྲགས་བྱེད་དགོས་ཀྱི་ཡོད།