༄༅།།མི་རིང་བར་མིང་གི་ལྷག་མར་འགྱུར་བའི་འབྲེང་ཟམ།

     མི་དམངས་དྲ་བའི་འཕྲིན། ཀུའེ་ཀྲོའུ་ཞིང་ཆེན་ཝུའེ་ཉིང་རྫོང་གི་ཉིའུ་ལན་གཙང་པོ་དང་། འཕྲེད་ཆུ། ཀྲུའོ་ཅང་གཙང་པོའི་གཡས་གཡོན་དུ་གནས་པའི་ཡུལ་མི་རྣམས་ཀྱི་ཕྱིར་སྐྱོད་ལ་འབྲེང་ཟམ་23གྱིས་སྟབས་བདེ་བསྐྲུན་ཡོད། ལོ་ཤས་རིང་། ཝུའེ་ཉིང་རྫོང་གིས“འབྲེང་ཟམ་ཟམ་པར་བསྒྱུར་བར”སྐུལ་ལྕག་བཏང་ནས་ད་ཆ་དེ་ཁོངས་ཀྱི་ཉིའུ་ལན་གཙང་པོ་དང་། འཕྲེད་ཆུ། ཀྲུའོ་ཅང་གཙང་པོར་རླངས་འཁོར་ཤར་གཏོང་ཐུབ་པའི་ཟམ་པ་13བརྒྱབ་པ་མ་ཟད། 2020ལོར་སླེབས་སྐབས་འབྲེང་ཟམ་23ཚང་མ་སྒྱུར་བཀོད་ཐུབ་རྒྱུའི་འཆར་གཞི་བཀོད་ཅིང་། དེ་དུས་ས་གནས་དེའི་ཡུལ་མིའི་འཚོ་བ་རྟེན་ས་བྱེད་མྱོང་བའི་འབྲེང་ཟམ་དག་རིམ་བཞིན་དེང་རབས་ཀྱི་ཟམ་པར་བསྒྱུར་ནས་ནམ་ཡང་མི་རྣམས་ཀྱི་འདྲེན་བྱེད་ཀྱི་ཡུལ་ནས“མིང་གི་ལྷག་མར”འགྱུར་རྒྱུ་ཡིན་ཞིང་། གོང་གི་པར་རིས་ནི་ཀུའེ་ཀྲོའུ་ཞིང་ཆེན་ཝུའེ་ཉིང་རྫོང་ཧའེ་ལ་གྲོང་རྡལ་ཤིང་འབྲས་གྲོང་ཚོའི་རྡོ་ཆེན་པོ་ཚོགས་ཆུང་གི་ཡུལ་མིས་འབྲེང་ཟམ་ལ་འཁྱུད་དེ་ཉིའུ་ལན་གཙང་པོ་སྒྲོལ་བཞིན་པ།